'ലോകത്തെ ഏറ്റവും മികച്ച താരം'; മെസിയെ പുകഴ്ത്തി പി.എസ്.ജി പ്രസിഡന്റ്; അമ്പരന്ന് ആരാധകര്‍
സ്പോര്‍ട്സ് ഡെസ്‌ക്
Thursday, 6th July 2023, 10:29 am
അര്‍ജന്റൈന്‍ ഇതിഹാസം ലയണല്‍ മെസിയെ പ്രശംസിച്ച് താരത്തിന്റെ മുന്‍ ക്ലബ്ബായ പി.എസ്.ജിയുടെ പ്രസിഡന്റ് നാസര്‍ അല്‍ ഖലൈഫി. ലോകത്തിലെ ഏറ്റവും മികച്ച താരമെന്നാണ് ഖലൈഫി മെസിയെ വിശേഷിപ്പിച്ചത്.
മെസി പി.എസ്.ജിക്കായി നല്‍കിയ സംഭാവനകള്‍ക്കെല്ലാം നന്ദി അറിയിക്കുന്നുവെന്നും ഖലൈഫി പറഞ്ഞു. ഒരു വാര്‍ത്താ സമ്മേളനത്തിനിടെയാണ് മെസിയെ പ്രശംസിച്ച് ഖലൈഫി സംസാരിച്ചത്. പി.എസ്.ജിയിലെ സംഘര്‍ഷഭരിതമായ അന്തരീക്ഷത്തെ തുടര്‍ന്ന് മാനേജ്‌മെന്റിനോട് വാക്തര്‍ക്കത്തിലേര്‍പ്പെട്ടാണ് മെസി ക്ലബ്ബ് വിട്ടതെന്ന അഭ്യൂഹങ്ങള്‍ പ്രചരിക്കുന്നതിനിടെയാണ് ഖലൈഫിയുടെ പരാമര്‍ശം.
