മലയാളത്തിന്റെ പ്രിയ സംവിധായിക അഞ്ജലി മേനോന്റെ ഏറ്റവും പുതിയ ചിത്രം “കൂടെ”യിലെ ആദ്യഗാനം പുറത്തിറങ്ങി. സാമൂഹ്യ മാധ്യമങ്ങളില്‍ ഇന്നലെ ഗാനത്തിന്റെ ടീസര്‍ പുറത്ത് വിട്ടിരുന്നു.
ആരാരോ വരാനായി എന്ന് തുടങ്ങുന്ന ഗാനമാണ് പുറത്ത് വിട്ടത്. പാര്‍വതി, നസ്രിയ, പൃഥ്വിരാജ് എന്നിവരാണ് ചിത്രത്തില്‍ മുഖ്യ കഥാപാത്രങ്ങളെ അവതരിപ്പിക്കുന്നത്. ജൂലൈയിലാണ് പടം തിയറ്ററുകളിലെത്തുക.
“കനവുപോല്‍ കൂടെ ആരോ” എന്നാണ് “കൂടെ”യുടെ ടാഗ് ലൈന്‍. എം. രഞ്ജിത്താണ് ചിത്രം നിര്‍മ്മിച്ചിരിക്കുന്നത്. റഫീക്ക് അഹമ്മദ് വരികളും എം. ജയചന്ദ്രനും രഘു ദിക്ഷിതും സംഗീതസംവിധാനവും നിര്‍വഹിച്ചിരിക്കുന്നു.
2012 ലെ മഞ്ചാടിക്കുരുവിനും 2014 ലെ ബാംഗ്‌ളൂര്‍ ഡെയ്‌സിനും ശേഷം അഞ്ജലി മേനോന്‍ രചനയും സംവിധാനവും നിര്‍വഹിക്കുന്ന ചിത്രമാണിത്. വിവാഹത്തിനു ശേഷം നസ്രിയ അഭിനയിക്കുന്ന ആദ്യ ചിത്രവും.