മഹാരാഷ്ട്ര തദ്ദേശ തെരഞ്ഞെടുപ്പ്; നാസിക്കില്‍ 34 പഞ്ചായത്തുകള്‍ പിടിച്ച് സി.പി.ഐ.എം
ഡൂള്‍ന്യൂസ് ഡെസ്‌ക്
Tuesday, 18th October 2022, 1:46 pm
നാസിക്: മഹാരാഷ്ട്ര തദ്ദേശ തെരഞ്ഞെടുപ്പില്‍ നാസിക്കിലെ സുര്‍ഗണ താലൂക്കില്‍ നടന്ന തെരഞ്ഞെടുപ്പില്‍ സി.പി.ഐ.എമ്മിന് 34 സീറ്റുകളില്‍ വിജയം. ജില്ലയിലെ 194 ഗ്രാമപഞ്ചായത്തിലാണ് തെരഞ്ഞെടുപ്പ് നടന്നത്. 61 ഗ്രാമപഞ്ചായത്തിലെ ഫലമാണ് പുറത്തുവന്നത്.
34 ഗ്രാമ പഞ്ചായത്തുകളിലെ വിജയവുമായി സി.പി.ഐ.എം നാസിക്കില്‍ മുന്നേറ്റം കാഴ്ചവെച്ചപ്പോള്‍ രണ്ടാമതായി നില്‍ക്കുന്നത് എന്‍.സി.പിയാണ്. എട്ട് സീറ്റുകളിലാണ് എന്‍.സി.പിയുടെ വിജയം. ശിവസേന-3, ബി.ജെ.പി-3, സ്വതന്ത്രര്‍-4, മറ്റുള്ള പാര്‍ട്ടികള്‍- 8, എന്നിങ്ങനെയാണ് നിലവിലെ കണക്കുകള്‍.
നാസിക്കിലെ സുര്‍ഗുണ താലൂക്കിലെ വോട്ടെണ്ണല്‍ പൂര്‍ത്തിയായതോടെ വര്‍ഷങ്ങളായി പ്രദേശത്ത് സ്വാധീനമുള്ള സി.പി.ഐ.എം തന്നെ മുന്നേറ്റം കാഴ്ചവെച്ചു. എന്നാല്‍ സംസ്ഥാനം ഭരിക്കുന്ന എക്‌നാഥ് ഷിന്‍ഡെ വിഭാഗത്തിന് ഒരു സീറ്റ് പോലും ലഭിച്ചില്ല.
