ഇഹ്‌സാന്‍ ജാഫ്രി എത്ര തവണ വിളിച്ചു; നിങ്ങളാ വിളി കേട്ടിരുന്നെങ്കില്‍ പാര്‍ലമെന്റില്‍ കയ്യടിക്കാന്‍ അദ്ദേഹവും ഉണ്ടാകുമായിരുന്നു
സുധാ മേനോൻ
Wednesday, 10th February 2021, 8:24 am
ഏറെ വൈകാരികമായ പ്രസംഗം ആയിരുന്നു ഇന്ന് പ്രധാനമന്ത്രിയുടേത്. കാശ്മീരില്‍ ഭീകരാക്രമണം നടന്നപ്പോള്‍ അവിടെ കുടുങ്ങിപ്പോയ ഗുജറാത്തികളെ തിരികെയെത്തിക്കുവാന്‍ ഗുലാം നബി ആസാദും, പ്രണബ് മുഖര്‍ജിയും നടത്തിയ ശ്രമങ്ങള്‍ അദ്ദേഹം ഓര്‍മിച്ചതു ഹൃദയസ്പര്‍ശിയായിരുന്നു…
ഞാനപ്പോള്‍ വെറുതെ ആ രാത്രി ഓര്‍ത്തുപോയി. ഒരിക്കല്‍ ഇതേ പാര്‍ലമെന്റിലെ അംഗമായിരുന്ന എന്ന മുതിര്‍ന്ന കോണ്ഗ്രസുകാരന്‍, ഇഹ്‌സാന്‍ ജാഫ്രി 2002ലെ ആ ശപിക്കപ്പെട്ട രാത്രിയില്‍ തനിക്ക് ചുറ്റും കൂടിയ ഗുല്‍ബര്‍ഗ സൊസൈറ്റിയിലെ പേടിച്ചരണ്ട സാധു മനുഷ്യരെ രക്ഷിക്കാന്‍ മോദിയും അദ്വാനിയും അടക്കം എത്രപേരെ വിളിച്ചു!
