തീരുമാനം കോടതി പറയും; ഒടുവില്‍ സി.ബി.ഐ ഓഫീസില്‍ നിന്നും മമത തിരിച്ചുപോയി
ഡൂള്‍ന്യൂസ് ഡെസ്‌ക്
Monday, 17th May 2021, 7:33 pm
കൊല്‍ക്കത്ത: നാരദ കൈക്കൂലിക്കേസില്‍ തൃണമൂല്‍ നേതാക്കളെ അറസ്റ്റ് ചെയ്തതില്‍ പ്രതിഷേധിച്ച് സി.ബി.ഐ ഓഫീസിലെത്തിയ മമത ബാനര്‍ജി തിരിച്ചുപോയി.
തൃണമൂല്‍ നേതാക്കളെ അറസ്റ്റ് ചെയ്ത സി.ബി.ഐയുടെ നടപടിയെക്കുറിച്ച് ഇനി കോടതിയില്‍ തീരുമാനമുണ്ടാകട്ടേ എന്നാണ് മമത പറഞ്ഞതെന്നാണ് റിപ്പോര്‍ട്ട്.
” തീരുമാനം കോടതി നല്‍കും” നേതാക്കളുടെ അറസ്റ്റിനെതിരെ സര്‍ക്കാര്‍ കോടതിയെ സമീപിക്കുമെന്ന സൂചന നല്‍കി മമത പറഞ്ഞു.
ആറ് മണിക്കൂറോളമാണ് മമതാ ബാനര്‍ജി സി.ബി.ഐ ഓഫീസില്‍ തുടര്‍ന്നത്.
തൃണമൂല്‍ നേതാക്കളെ നടപടിക്രമങ്ങള്‍ പൂര്‍ത്തിയാക്കാതെയാണ് അറസ്റ്റ് ചെയ്തതെന്നാണ് മമത ആരോപിച്ചത്.
‘കൃത്യമായ നടപടിക്രമങ്ങളില്ലാതെയാണ് അവരെ അറസ്റ്റ് ചെയ്തത്. സി.ബി.ഐ എന്നെയും അറസ്റ്റ് ചെയ്യേണ്ടിവരും’ മമത പറഞ്ഞു.
