അയ്യപ്പനും കോശിയിലും അഭിനയിച്ചപ്പോള്‍ ആ തുക കിട്ടിയതുകൊണ്ട് ഇപ്പോള്‍ അഭിനയിക്കാന്‍ പോവുമ്പോള്‍ ഇത്ര തുക വേണമെന്ന് പറയും; നഞ്ചിയമ്മ പറയുന്നു
എന്റര്‍ടെയിന്‍മെന്റ് ഡെസ്‌ക്
Saturday, 30th January 2021, 11:44 am
സച്ചി രചനയും സംവിധാനവും നിര്‍വഹിച്ച് 2020 ഫെബ്രുവരിയില്‍ പ്രദര്‍ശനം നടന്ന ചിത്രമാണ് അയ്യപ്പനും കോശിയും. പൃഥ്വിരാജ്, ബിജുമേനോന്‍ എന്നിവര്‍ കേന്ദ്രകഥാപാത്രങ്ങളായി എത്തിയ സിനിമയില്‍ നഞ്ചിയമ്മ പാടിയ പാട്ടും പ്രശസ്തമായിരുന്നു. കലക്കാത്ത എന്നു തുടങ്ങുന്ന ടൈറ്റില്‍ ഗാനം പ്രേക്ഷകഹൃദയങ്ങള്‍ കീഴടക്കുകയായിരുന്നു.
അട്ടപ്പാടി സ്വദേശിയായ നഞ്ചിയമ്മ അയപ്പനും കോശിക്കും ശേഷമുള്ള സിനിമാ ജീവിതത്തെക്കുറിച്ച് പറയുകയാണ് ഗൃഹലക്ഷ്മിക്ക് നല്‍കിയ അഭിമുഖത്തില്‍. സിനിമയില്‍ അഭിനയിക്കുന്നതിന് മുമ്പ് പൃഥ്വിരാജിനെയും ബിജുമേനോനെയും തനിക്ക് അറിയില്ലായിരുന്നുവെന്ന് നഞ്ചിയമ്മ പറയുന്നു. അയ്യപ്പനും കോശിയിലും അഭിനയിച്ചതിന് 50000 രൂപ കിട്ടിയെന്നും ഇപ്പോള്‍ ഓരോ പരിപാടിക്കൊക്കെ വിളിച്ചാല്‍ ആയിരമോ രണ്ടായിരമോ കിട്ടുമെന്നും നഞ്ചിയമ്മ പറയുന്നു.
