നാനി, മൃണാല്‍ താക്കൂര്‍, ശൗര്യവ് എന്നിവര്‍ സുപ്രധാന വേഷങ്ങളിലെത്തുന്ന ‘ഹായ് നാണ്ണാ’യുടെ മൂന്നാമത്തെ സിംഗിള്‍ ‘മെല്ലെ ഇഷ്ടം’ നവംബര്‍ 4ന് പുറത്തിറക്കും. സിനിമയുടെ മ്യൂസിക്കല്‍ പ്രൊമോഷന്റെ ഭാഗമായി, ഗാനത്തിന്റെ പ്രൊമോ പുറത്തുവിട്ടു.

‘ഹായ് നാണ്ണാ’യുടെ ടീസര്‍ പുറത്തിറങ്ങിയപ്പോള്‍ പ്രേക്ഷകര്‍ അത് ഏറ്റെടുത്തിരുന്നു. ചിത്രത്തിന്റെതായി പുറത്തിറങ്ങിയ രണ്ട്സിംഗിളുംയൂട്യൂബ് ട്രെന്‍ഡിങ്ങില്‍ ഇടം പിടിച്ചിരുന്നു.

നവാഗതനായ ശൗര്യവ് സംവിധാനം ചെയ്യുന്ന ‘ഹായ് നാണ്ണാ’വൈര എന്റര്‍ടെയ്ന്‍മെന്റിന്റെ ബാനറില്‍ മോഹന്‍ ചെറുകുരിയും (സി.വി.എം) ഡോ. വിജേന്ദര്‍ റെഡ്ഡി ടീഗലയും ചേര്‍ന്നാണ് നിര്‍മ്മിക്കുന്നത്. ബേബി കിയാര ഖന്ന പ്രധാന കഥാപാത്രത്തെ അവതരിപ്പിക്കുന്ന ചിത്രത്തിന് ഹെഷാം അബ്ദുള്‍ വഹാബാണ് സംഗീതം പകരുന്നത്.

തെലുങ്ക്, തമിഴ്, കന്നഡ, മലയാളം, ഹിന്ദി എന്നീ ഭാഷകളിലായി ഡിസംബര്‍ 7ന് പുറത്തിറങ്ങുന്ന ഈ പാന്‍ ഇന്ത്യന്‍ ചിത്രത്തിന്റെ ഛായാഗ്രഹണം സാനു ജോണ്‍ വര്‍ഗീസ് ഐ.എസ്.സിയും ചിത്രസംയോജനം പ്രവീണ്‍ ആന്റണിയും പ്രൊഡക്ഷന്‍ ഡിസൈന്‍ അവിനാഷ് കൊല്ലയുമാണ് നിര്‍വഹിക്കുന്നത്. സതീഷ് ഇ.വി.വിയാണ് എക്‌സിക്യൂട്ടീവ് പ്രൊഡ്യൂസര്‍. വസ്ത്രാലങ്കാരം: ശീതള്‍ ശര്‍മ, പി.ആര്‍.ഒ: ശബരി.

Content Highlight: Nani’s Hi Nanna Third Single Promo Out Now