ഇന്ത്യയുടെ സൗത്ത് ആഫ്രിക്കന്‍ പര്യടനത്തിലെ ടെസ്റ്റ് പരമ്പരക്ക് തുടക്കമായിരിക്കുകയാണ്. മൂന്ന് മത്സരങ്ങലടങ്ങിയ പരമ്പരയിലെ ആദ്യ മത്സരത്തിന് സെഞ്ചൂറിയനാണ് വേദിയാകുന്നത്. സൗത്ത് ആഫ്രിക്കയില്‍ ഒരു പരമ്പര നേടാന്‍ സാധിച്ചിട്ടില്ലെന്ന നാണക്കേട് മറക്കാനാണ് ഇന്ത്യ അരയും തലയും മുറുക്കി ഇറങ്ങുന്നത്.
അനുഭവ സമ്പത്തുള്ള താരങ്ങള്‍ക്കൊപ്പം യുവ താരങ്ങളുമായാണ് ഇരു ടീമും കളത്തിലിറങ്ങിയത്. ഇരു ടീമിനൊപ്പവും അരങ്ങേറ്റ താരങ്ങളുമുണ്ടായിരുന്നു. ഇന്ത്യക്കായി പ്രസിദ്ധ് കൃഷ്ണ റെഡ് ബോള്‍ ഫോര്‍മാറ്റില്‍ ആദ്യ മത്സരത്തിനിറങ്ങിയപ്പോള്‍ ഡേവിഡ് ബെഡ്ഡിങ്ഹാമും നാന്ദ്രേ ബര്‍ഗറും അരങ്ങേറ്റം കുറിച്ചു.
🪙 TOSS
🇿🇦 The Proteas have won the toss and will bowl first 🏏
അധികം വൈകാതെ തന്നെ ബര്‍ഗര്‍ കരിയറിലെ ആദ്യ ടെസ്റ്റ് വിക്കറ്റും തന്റെ പേരില്‍ എഴുതിച്ചേര്‍ത്തു. യശസ്വി ജെയ്‌സ്വാളിനെയാണ് ബര്‍ഗര്‍ പുറത്താക്കിയത്. 37 പന്തില്‍ 17 റണ്‍സ് നേടി നില്‍ക്കവെ കൈല്‍ വെരായ്‌നെക്ക് ക്യാച്ച് നല്‍കിയാണ് ജെയ്സ്വാള് പുറത്താകുന്നത്.
⚪ CAUGHT
A huge roar at SuperSport Park as Nandre Burger bags his first Test wicket after dismissing Jaiswal
ഐ.പി.എല്ലില്‍ രാജസ്ഥാന്‍ റോയല്‍സിന്റെ താരങ്ങളാണ് ഇരുവരും എന്നതാണ് ഹല്ലാ ബോല്‍ ആരാധകരെ ഒരേ സമയം നിരാശയിലും ആവേശത്തിലുമാഴ്ത്തുന്നത്. വരുന്ന സീസണില്‍ രാജസ്ഥാന്റെ പ്രധാന താരമാകാന്‍ പോകുന്നവന്റെ കരിയറിലെ ആദ്യ ടെസ്റ്റ് വിക്കറ്റ് നേട്ടത്തില്‍ സന്തോഷിക്കുമ്പോള്‍ രാജസ്ഥാന്‍ സ്റ്റാര്‍ ഓപ്പണര്‍ ജെയ്‌സ്വാളിനെയാണ് മടക്കിയത് എന്നതാണ് റോയല്‍സ് ആരാധകരെ അല്‍പമെങ്കിലും നിരാശരാക്കുന്നത്.
ആദ്യ വിക്കറ്റ് നേട്ടത്തിന് തൊട്ടുപിന്നാലെ ബര്‍ഗര്‍ വീണ്ടും രക്തം ചിന്തിയിരുന്നു. ശുഭ്മന്‍ ഗില്ലിനെ പുറത്താക്കിയാണ് ബര്‍ഗര്‍ ഇന്ത്യക്ക് ഇരട്ടി ഷോക്ക് നല്‍കിയത്.
⚪ Burger You Beauty
A dream start for Nandre Burger as he gets his 2nd Test wicket. Gill flicks one behind to the wicket-keeper
അതേസമയം, 46 ഓവര്‍ പിന്നിടുമ്പോള്‍ ഇന്ത്യ 164 റണ്‍സിന് ആറ് എന്ന നിലയിലാണ്. 57 പന്തില്‍ 29 റണ്‍സ് നേടിയ കെ.എല്‍. രാഹുലും 31 പന്തില്‍ 24 റണ്‍സ് നേടിയ ഷര്‍ദുല്‍ താക്കൂറുമാണ് ക്രീസില്‍.
