നമോ ടി.വി ഉടമയും അവതാരകയും അറസ്റ്റില്‍
ഡൂള്‍ന്യൂസ് ഡെസ്‌ക്
Monday, 1st November 2021, 2:57 pm
തിരുവനന്തപുരം: വര്‍ഗീയ പ്രചാരണവും മത വിദ്വേഷവും വളര്‍ത്തുന്ന തരത്തില്‍ വാര്‍ത്ത നല്‍കിയെന്ന കേസില്‍ നമോ ടി.വി ഉടമയും അവതാരകയും അറസ്റ്റില്‍. ചാനല്‍ ഉടമ രഞ്ജിത്ത് ടി. എബ്രഹാം, അവതാരക ശ്രീജ വള്ളിക്കോട് എന്നിവരാണ് അറസ്റ്റിലായത്.
153 എ വകുപ്പ് ചുമത്തിയാണ് ഇരുവര്‍ക്കുമെതിരെ കേസെടുത്തത്. തിരുവല്ല എസ്.എച്ച്.ഒക്ക് ലഭിച്ച പരാതിയിന്മേലാണ് കേസ് രജിസ്റ്റര്‍ ചെയ്തത്.
നേരത്തെ ഇവരുടെ മുന്‍കൂര്‍ ജാമ്യാപേക്ഷ ഹൈക്കോടതി തള്ളിയിരുന്നു. ഇരുവരും ഒളിവിലായിരുന്നു. തിങ്കളാഴ്ച വൈകീട്ട് ഇരുവരേയും തിരുവല്ല കോടതിയില്‍ ഹാജരാക്കും.
തിരുവല്ല കേന്ദ്രീകരിച്ചാണ് നമോ ടി.വി പ്രവര്‍ത്തിക്കുന്നത്.
