നേരത്തെ വന്ന മെഡിക്കല്‍ റിപ്പോര്‍ട്ടിലും പെണ്‍കുട്ടി പീഡിപ്പിക്കപ്പെട്ടിട്ടില്ലെന്ന സ്ഥിരീകരണം ഉണ്ടായിരുന്നു.35 കാരനായ സയ്യിദ് ഫരീദ് ഖാനെയാണ് 20കാരിയായ നാഗാ യുവതിയെ ബലാത്സംഗം ചെയ്തുവെന്നാരോപിച്ച് ആള്‍കൂട്ടം തല്ലിക്കൊന്നത്.സംഭലം കെട്ടിച്ചമച്ചതാണെന്ന ആരോപണം നേരത്തെതന്നെ നിലനിന്നിരുന്നു.
ഖാന്‍ ഫിബ്രവരി 23ന് നാഗാ യുവതിയെ 24 വ്യത്യസ്ത സ്ഥലങ്ങളില്‍ കൊണ്ടുപോയി ബലാത്സംഗം ചെയ്‌തെന്നായിരുന്നു കേസ്. ഫെബ്രുവരി 25നാണ് ഇയാളെ പോലീസ് അറസ്റ്റു ചെയ്തത്. ഇയാളെ പിന്നീട് ജുഡീഷ്യല്‍ കസ്റ്റഡിയില്‍ വിടുകയായിരുന്നു. 4,000ത്തോളം ആളുകള്‍ സെന്‍ട്രല്‍ ജയിലിന്റെ രണ്ടുഗേറ്റുകളും തകര്‍ത്ത് പ്രതിയെ പിടിച്ചിറക്കി നഗ്‌നനാക്കി നടത്തിയശേഷം കൊലപ്പെടുത്തുകയായിരുന്നു. ഈ സംഭവത്തില്‍ ഗൂഡാലോചന നടന്നിട്ടുണ്ടെന്നും ആരോപണമുണ്ട്‌