പൃഥ്വിരാജിനോട് ബഹുമാനം തോന്നിയ നിമിഷമായിരുന്നു; തുറന്നുപറഞ്ഞ് നാദിര്‍ഷ
എന്റര്‍ടെയിന്‍മെന്റ് ഡെസ്‌ക്
Sunday, 25th July 2021, 10:14 pm
കൊച്ചി: പാട്ടുകാരനായും നടനായും മികച്ച പ്രകടനം കാഴ്ചവെച്ച നാദിര്‍ഷ സംവിധാനം ചെയ്ത ചിത്രമാണ് അമര്‍ അക്ബര്‍ അന്തോണി. പൃഥ്വിരാജ്, ജയസൂര്യ, ഇന്ദ്രജിത്ത് എന്നിവര്‍ പ്രധാന കഥാപാത്രത്തെ അവതരിപ്പിച്ച ചിത്രം ആരാധകര്‍ ഏറ്റെടുക്കുകയും ചെയ്തു.
ചിത്രത്തില്‍ കഥ പറയാനായി പൃഥ്വിരാജിനെ സമീപിച്ചപ്പോഴുണ്ടായ അനുഭവം പറയുകയാണ് നാദിര്‍ഷ. കുറച്ച് വര്‍ഷം മുമ്പ് കൈരളി ടിവിയ്ക്ക് നല്‍കിയ അഭിമുഖത്തിലാണ് നാദിര്‍ഷ മനസ്സുതുറന്നത്.
പൃഥ്വിരാജുമായിട്ട് എനിക്ക് അത്ര വലിയ കമ്പനിയൊന്നുമില്ല. അമ്മയുടെ ഷോയ്ക്ക് ഒക്കെ വെച്ച് കണ്ടാല്‍ ഒരു ഹായ് പറയും. അത്ര തന്നെയുണ്ടായിരുന്നുള്ളു. ഇന്ദ്രജിത്തുമായിട്ട് കുറച്ചൊക്കെ സംസാരിക്കാറുണ്ടായിരുന്നു.
നിര്‍മാതാവ് ആല്‍വിന്‍ ആന്റണി ചേട്ടന്‍ വഴിയാണ് പൃഥ്വിരാജിനോട് കഥപറയാന്‍ പോയത്. അങ്ങനെ രാജു കഥ കേള്‍ക്കുകയും അഭിനയിക്കാമെന്ന് സമ്മതിക്കുകയും ചെയ്തു.
