സംഭവം കളറാകും; തരംഗമാവാന്‍ ലിയോയിലെ ആദ്യ ഗാനം 'നാ റെഡി താ'
എന്റര്‍ടെയിന്‍മെന്റ് ഡെസ്‌ക്
Thursday, 22nd June 2023, 6:56 pm
പിറന്നാള്‍ ദിനത്തിന്റെ തുടക്കത്തില്‍ തന്നെ വിജയ്‌യുടെ ഗംഭീര ഫസ്റ്റ് ലുക്ക് റിലീസ് ചെയ്ത ലിയോ ടീമിന്റെ വക ദളപതി ആലപിച്ച നാ റെഡി താ ഗാനം റിലീസ് ചെയ്ത് അണിയറ പ്രവര്‍ത്തകര്‍. വിഷ്ണു എടവന്റെ വരികള്‍ക്ക് ദളപതി വിജയ് ആലാപനം നടത്തിയ ഗാനത്തിന്റെ സംഗീത സംവിധാനം അനിരുദ്ധ് രവിചന്ദര്‍ ആണ്. സോണി മ്യൂസിക് എന്റര്‍ടെയ്ന്‍മെന്റിനാണ് ചിത്രത്തിന്റെ മ്യൂസിക് ലേബല്‍.
ദളപതി വിജയ്, സഞ്ജയ് ദത്ത്, തൃഷ, പ്രിയ ആനന്ദ്, അര്‍ജുന്‍, മന്‍സൂര്‍ അലി ഖാന്‍ എന്നിവര്‍ മുഖ്യ വേഷത്തിലെത്തുന്ന ചിത്രത്തിന്റെ രചനയും സംവിധാനവും ലോകേഷ് കനകരാജാണ് നിര്‍വഹിക്കുന്നത്. ഒക്ടോബര്‍ 19ന് ലോകമെമ്പാടുമുള്ള തിയേറ്ററുകളിലേക്ക് ലിയോ എത്തും.
