കാണ്‍പൂര്‍: ഉത്തര്‍പ്രദേശ് ഭരണകൂടം ചെയതത് ശരിയായ കാര്യമാണെന്ന് പൊലീസ് കസ്റ്റഡിയിലിരിക്കെ കൊല്ലപ്പെട്ട മാഫിയ സംഘത്തലവന്‍ വികാസ് ദുബെയുടെ അച്ഛന്‍ രാം കുമാര്‍ ദുബെ. എട്ട് പൊലീസുകാരെ കൊലപ്പെടുത്തിയ തന്റെ മകന്‍ ചെയ്തത് പൊറുക്കാന്‍ കഴിയാത്ത പാപമാണെന്നും രാംകുമാര്‍ പറഞ്ഞു. തന്റെ മകനെതിരെ ഉത്തര്‍പ്രദേശ് ഭരണകൂടം എടുത്ത നടപടി ശരിയായ കാര്യം തന്നെയാണെന്നും രാംകുമാര്‍ പറഞ്ഞു.
” അവന്‍ ഞങ്ങളുടെ വാക്കു കേട്ടിരുന്നുവെങ്കില്‍ അവന്റെ ജീവിതം ഈ രീതിയില്‍ അവസാനിക്കുമായിരുന്നില്ല. വികാസ് ഞങ്ങളെ ഒരു തരത്തിലും സഹായിച്ചിട്ടില്ല. അവന്‍ കാരണം ഞങ്ങളുടെ പൂര്‍വ്വിക സ്വത്ത് പോലും നിലംപരിശായി. എട്ട് പൊലീസുകാരെയും അവന്‍ കൊന്നു, ഇത് മാപ്പര്‍ഹിക്കാത്ത പാപമാണ്. ഭരണകൂടം ശരിയായ കാര്യം ചെയ്തു. അവര്‍ അങ്ങനെ ചെയ്തില്ലെങ്കില്‍ നാളെ മറ്റുള്ളവരും സമാനമായി പ്രവര്‍ത്തിക്കുമായിരുന്നു, ”രാം കുമാര്‍ എ.എന്‍.ഐ
യോട് പറഞ്ഞു.
