ന്യൂദല്‍ഹി: പള്ളിയില്‍ നിന്ന് തിരിച്ചു വരുന്നതിനിടെ 25 കാരനായ മുസ്ലിം യുവാവിനെ അജ്ഞാതര്‍ മര്‍ദിച്ചു. ആക്രമികള്‍ തന്‍റെ തൊപ്പി വലിച്ചെറിയുകയും, ഭാരത് മാതാ കീ ജയ്, ജയ് ശ്രീരാം തുടങ്ങിയ മുദ്രാവാക്യങ്ങള്‍ മുഴക്കാനും ആവശ്യപ്പെട്ടതായി ആക്രമണത്തിനിരയായ മുഹമ്മദ് ബര്‍ക്കത്ത് പറയുന്നു. എന്നാല്‍ വഴങ്ങാതായപ്പോള്‍ പന്നിയിറച്ചി തീറ്റിക്കുമെന്ന് ആക്രമികള്‍ ഭീഷണിപ്പെടുത്തിയതായും ബര്‍ക്കാത്ത് പറഞ്ഞതായി ദ ഹിന്ദു റിപ്പോര്‍ട്ടു ചെയ്യുന്നു.
ഇന്നലെ രാത്രി 10 മണിക്ക് ബിഹാറിലെ ഗുര്‍ഗോണില്‍ വെച്ചായിരുന്നു സംഭവം. സംഭവമുമായി ബന്ധപ്പെട്ട് എഫ്.ഐ.ആര്‍ രേഖപ്പെടത്തിയതായി റിപ്പോര്‍ട്ടില്‍ പറയുന്നു. സംഭവത്തില്‍ ഇതു വരെ അറസ്റ്റ് ഒന്നും രേഖപ്പെടുത്തിയിട്ടില്ല.
A 25 year old man from Bihar was allegedly beaten, asked to chant Bharat Mata Ki Jai & Jai Sri Ram by an unknown person, who also threw his skull cap to the ground. Incident happened while he was returning home after prayers in Gurgaon last night. FIR registered. @IndianExpress
— Sakshi Dayal (@sakshi_dayal) May 26, 2019
ബി.ജെ.പി വന്‍ ഭൂരിപക്ഷത്തില്‍ വീണ്ടും അധികാരത്തിലേറിയതിന് പിന്നാലെ രാജ്യത്തെ ന്യൂനപക്ഷങ്ങള്‍ക്കെതിരെ വ്യാപകമായ ആക്രമണങ്ങള്‍ റിപ്പോര്‍ട്ട് ചെയ്യപ്പെട്ടിരുന്നു.
