'മലപ്പുറം കത്തി പോരാ'; കലക്ടറുടെ വീടിന് മുന്നിലെ കാര്‍ട്ടൂണിനെതിരെ പ്രതിഷേധവുമായി മുസ്‌ലിം യൂത്ത് ലീഗ്
ഡൂള്‍ന്യൂസ് ഡെസ്‌ക്
Monday, 8th June 2020, 1:19 pm
മലപ്പുറം: മലപ്പുറം ജില്ലാ കലക്ടറുടെ വീടിന് മുന്നിലെ മതിലില്‍ വരച്ച കാര്‍ട്ടൂണിനെതിരെ പ്രതിഷേധവുമായി മുസ്‌ലിം യൂത്ത് ലീഗ്.
കാര്‍ട്ടൂണിലെ ആശയം മുസ്‌ലിം സമുദായത്തില്‍ വന്ന പുരോഗമനത്തെ കാണാതെയുള്ളതാണെന്നാണ് യൂത്ത് ലീഗിന്റെ പരാതി. കാര്‍ട്ടൂണ്‍ കറുത്ത തുണികൊണ്ട് യൂത്ത് ലീഗ് പ്രവര്‍ത്തകര്‍ മറച്ചു. കാര്‍ട്ടൂണ്‍ മാറ്റിവരക്കണമെന്നാണ് ലീഗിന്റെ ആവശ്യം.
ജനങ്ങള്‍ക്ക് വന്ന വികാസത്തെ ഉള്‍ക്കൊള്ളാതെയാണ് കാര്‍ട്ടൂണ്‍ അവതരിപ്പിച്ചതെന്നും വളരെ പ്രാകൃതമായിട്ടാണ് അവതരിപ്പിച്ചിരിക്കുന്നതെന്നും
യൂത്ത് ലീഗ് പറഞ്ഞു.
