യു.പിയില്‍ ഇറച്ചി വിറ്റ മുസ്‌ലിം കച്ചവടക്കാരനെ ക്രൂരമായി ആക്രമിച്ച് 'ഗോ രക്ഷക് ' സംഘം; അക്രമത്തിനിരയായ വ്യക്തിക്കെതിരേയും കേസെടുത്ത് പൊലീസ്
ഡൂള്‍ന്യൂസ് ഡെസ്‌ക്
Monday, 24th May 2021, 2:24 pm
ലഖ്‌നൗ: പടിഞ്ഞാറന്‍ ഉത്തര്‍പ്രദേശിലെ മൊറാദാബാദ് ജില്ലയില്‍ ഇറച്ചി കച്ചവടത്തില്‍ ഏര്‍പ്പെട്ടിരുന്ന മുസ്‌ലിം സമുദായത്തില്‍പ്പെട്ട ആളെ ‘ഗോ രക്ഷക് സംഘം’ ആക്രമിച്ചു. ഞായറാഴ്ചയാണ് സംഭവം
അക്രമത്തിനിരയായ വ്യക്തിയുടെ സഹോദരന്റെ പരാതിയുടെ അടിസ്ഥാനത്തില്‍ ആക്രമണം നടത്തിയവര്‍ക്കെതിരെ പൊലീസ് കേസെടുത്തു.
എന്നാല്‍, അക്രമത്തിന് ഇരയായ മുഹമ്മദ് ഷക്കീര്‍ എന്ന് ആള്‍ക്കെതിരെ പൊലീസ് സ്വമേധയ ഒരു ക കൗണ്ടര്‍ കേസും ഫയല്‍ ചെയ്തിട്ടുണ്ട് എന്നാണ് റിപ്പോര്‍ട്ട്.
‘ ക്രൂരമായി മൃഗത്തെ കൊന്നതിനും’ ‘വൈറസ് വ്യാപിക്കുന്ന തരത്തിലുള്ള പ്രവൃത്തിക്കും’, ‘ കൊവിഡ് മാനദണ്ഡങ്ങള്‍ ലംഘിച്ചതിനുമാണ്’ കേസ്.
