പൂഞ്ഞാര്‍ സീറ്റില്‍ പി.സി ജോര്‍ജിനെതിരെ മത്സരിക്കാന്‍ മുസ്ലിം ലീഗോ?; കുഞ്ഞാലിക്കുട്ടി വേങ്ങരയിലേക്ക് വന്നേക്കും
ഡൂള്‍ന്യൂസ് ഡെസ്‌ക്
Tuesday, 16th June 2020, 1:01 pm
മലപ്പുറം: അടുത്ത നിയമസഭ തെരഞ്ഞെടുപ്പില്‍ നിലവില്‍ മത്സരിക്കുന്ന 24 സീറ്റിന് പുറത്ത് ആറ് സീറ്റുകള്‍ കൂടി ആവശ്യപ്പെടാന്‍ മുസ്ലിം ലീഗ് നീക്കം. ഇക്കാര്യത്തില്‍ വിട്ടുവീഴ്ച വേണ്ടെന്നും ജനതാദള്‍ ഉള്‍പ്പെടെയുള്ള ഘടകകക്ഷികള്‍ വിട്ടുപോയതിനാല്‍ ഒഴിവ് വന്ന സീറ്റുകള്‍ പങ്കുവെയ്ക്കണമെന്നാണ് ലീഗ് ആവശ്യം.
പൂഞ്ഞാര്‍, കരുനാഗപ്പള്ളി, അമ്പലപ്പുഴ, പേരാമ്പ്ര, കൂത്തുപറമ്പ്, കല്‍പ്പറ്റ എന്നീ സീറ്റുകളാണ് ലീഗ് ആവശ്യപ്പെടുക. ഒറ്റപ്പാലവും പട്ടാമ്പിയും കൂടെ ചോദിച്ചേക്കും.
