അഴീക്കോട് പ്ലസ് ടു കോഴക്കേസില്‍ കെ.പി.എ മജീദിന്റെ മൊഴിയെടുത്തു; സൗഹൃദ സന്ദര്‍ശനമെന്ന് മജീദ്
ഡൂള്‍ന്യൂസ് ഡെസ്‌ക്
Monday, 22nd November 2021, 3:54 pm
കോഴിക്കോട്: കെ.എം. ഷാജി പ്രതിയായ അഴീക്കാട് പ്ലസ് ടു കോഴക്കേസില്‍ മുസ്‌ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ മജീദിന്റെ മൊഴിയെടുത്തു. കോഴിക്കോട് പൊലീസ് ക്ലബില്‍ വെച്ച് വിജിലന്‍സാണ് മൊഴിയെടുത്തത്.
സൗഹൃദ സന്ദര്‍ശനമെന്നാണ് ഇതുസംബന്ധിച്ച് കെ.പി.എ. മജീദ് മറുപടി പറഞ്ഞത്. എന്നാല്‍ മൊഴിയെടുപ്പ് നടന്നതായുള്ള ഔദ്യോഗിക സ്ഥിരീകരണം ലഭിച്ചതായി ഏഷ്യാനെറ്റ് ന്യൂസ് റിപ്പോര്‍ട്ട് ചെയ്യുന്നു.
നേരത്തെ കേസില്‍ കെ.എം. ഷാജിയെയും വിജിലന്‍സ് ചോദ്യം ചെയ്തിരുന്നു. കോഴ്സ് അനുവദിക്കുന്നതിന് 25 ലക്ഷം രൂപ കോഴ വാങ്ങിയെന്നാണ് കെ. എം. ഷാജിക്കെതിരായ കേസ്.
