നിങ്ങള്‍ എത്ര വേണേലും കട്ടോ, ഞങ്ങള്‍ക്കും ഒരു പങ്ക് തരണേയെന്ന് പറയുന്ന യാചകവൃന്ദമായി മലയാളി മാറി; യു.ഡി.എഫിന്റെ തോല്‍വിയില്‍ ലീഗ് നേതാവ്
ഡൂള്‍ന്യൂസ് ഡെസ്‌ക്
Tuesday, 4th May 2021, 10:30 pm
കോഴിക്കോട്: മലയാളികളുടെ ബൗദ്ധിക ധൈഷണിക ബോധത്തിന് മാറ്റം വന്നിരിക്കുന്നുവെന്നാണ് തെരഞ്ഞെടുപ്പ് വിധിയിലൂടെ മനസിലാകുന്നതെന്ന് മുസ്‌ലീം ലീഗ് നേതാവ് ഷാഫി ചാലിയം. മീഡിയ വണ്‍ ചാനലിന്റെ ചര്‍ച്ചയില്‍ പങ്കെടുത്ത് സംസാരിക്കുകയായിരുന്നു അദ്ദേഹം.
ഭരിക്കുന്നവര്‍ അഴിമതി നടത്തിയാലും അതിലൊരു പങ്ക് തനിക്കും ലഭിച്ചാല്‍ മതിയെന്നാണ് മലയാളിയുടെ ചിന്താഗതിയെന്നും അദ്ദേഹം പറഞ്ഞു.
ഷാഫി ചാലിയത്തിന്റെ വാക്കുകള്‍:
എവിടേക്കെത്തി മലയാളി? ഒരു കടുത്ത കൊവിഡ് പോലുള്ള ദുരന്തത്തിലകപ്പെട്ട് അതിന്റെ വറുതിയിലായ ജനതയുടെ നിസഹായാവസ്ഥ മുതലെടുക്കുന്ന സര്‍ക്കാരാണിത്.
നിങ്ങള്‍ എന്തും കട്ടോ, എന്തും കൊണ്ടുപോയ്‌ക്കോ, എന്തും നശിപ്പിച്ചോ ഇങ്ങോട്ടേക്കും തരണേ എന്ന് പറയുന്ന തരത്തിലേക്ക് മലയാളിയെത്തി.
