'വിനായകന്‍ ആയിരുന്നോ ഇതിന്റെ മ്യൂസിക്ക്'; വീണ്ടും ചര്‍ച്ചയായി കമ്മട്ടിപ്പാടത്തിലേയും ട്രാന്‍സിലേയും ഗാനങ്ങള്‍
എന്റര്‍ടെയിന്‍മെന്റ് ഡെസ്‌ക്
Sunday, 17th September 2023, 11:59 pm
കമ്മട്ടിപ്പാടം എന്ന സിനിമയിലേയും ട്രാന്‍സ് എന്ന അന്‍വര്‍ റഷീദ് ചിത്രത്തിലേയും സംഗീതം ചെയ്തത് വിനായകന്‍ ആണെന്ന് നിരവധി ആളുകള്‍ അറിഞ്ഞത് കഴിഞ്ഞ ദിവസമായിരുന്നു.
ട്രാന്‍സ് എന്ന സിനിമയിലെ ടൈറ്റില്‍ ട്രാക്കും ഒപ്പം കമ്മട്ടിപാടത്തിലെ ‘പുഴു പുലികള്‍’ എന്ന ഗാനവുമാണ് നടന്‍ വിനായകന്‍ ചിട്ടപ്പെടുത്തിയിട്ടുള്ളത്.
കഴിഞ്ഞ ദിവസം മനോരമ ന്യൂസിന് നല്‍കിയ അഭിമുഖത്തില്‍ ഇത് സംബന്ധിച്ചുള്ള ചോദ്യം വന്നപ്പോഴാണ് ഇക്കാര്യം വീണ്ടും ചര്‍ച്ചയിലേക്ക് ഉയര്‍ന്നു വന്നിരിക്കുന്നത്. സോഷ്യല്‍ മീഡിയയില്‍ വലിയ രീതിയിലാണ് ഇക്കാര്യം നിരവധി പേര്‍ ചര്‍ച്ച ചെയ്യുന്നത്.
