അമ്മയില്‍ നിന്ന് ബിനീഷിനെ പുറത്താക്കണമെന്ന ആവശ്യം എതിര്‍ത്ത് മുകേഷും ഗണേഷ്‌കുമാറും ; ഇടവേള ബാബുവിനെതിരായ പരാതിയും ചര്‍ച്ച
എന്റര്‍ടെയിന്‍മെന്റ് ഡെസ്‌ക്
Friday, 20th November 2020, 5:39 pm
കൊച്ചി: ബിനീഷ് കോടിയേരിയെ അഭിനേതാക്കളുടെ സംഘടനയായ അമ്മയില്‍ നിന്ന് പുറത്താക്കണമെന്ന ആവശ്യം എതിര്‍ത്ത് നടന്മാരും എം.എല്‍.എമാരായ കെ.ബി ഗണേഷ്‌കുമാറും, മുകേഷും.
കൊച്ചിയിലാണ് യോഗം ചേര്‍ന്നിരിക്കുന്നത്. പ്രസിഡന്റ് മോഹന്‍ലാലും യോഗത്തില്‍ പങ്കെടുക്കുന്നുണ്ട്. ദിലീപിനെതിരേ സ്വീകരിച്ച അതേ നടപടി ഇ.ഡി. അറസ്റ്റ് രേഖപ്പെടുത്തിയ സാഹചര്യത്തില്‍ ബിനീഷിനെതിരേയും സ്വീകരിക്കണമെന്നാണ് യോഗത്തില്‍ ഉയര്‍ന്നുവന്ന ആവശ്യം.
ബിനീഷ് കോടിയേരിയുടെ അംഗത്വം റദ്ദാക്കല്‍, ഇടവേള ബാബു അക്രമത്തിനിരയായ നടിക്കെതിരായി നടത്തിയ പരാമര്‍ശം, പാര്‍വതിയുടെ രാജി, ഗണേഷ് കുമാര്‍ എം.എല്‍.എയുടെ പി.എയുമായി ബന്ധപ്പെട്ട വിഷയം എന്നിവ യോഗത്തില്‍ ചര്‍ച്ച ചെയ്യുന്നുണ്ടെന്ന് നേരത്തെ യോഗത്തിന് എത്തിയ ബാബുരാജ് മാധ്യമങ്ങളോട് പറഞ്ഞിരുന്നു.
