ലോക ബാങ്ക് വിളി മത്സരത്തില്‍ ഏഴാം സ്ഥാനം നേടി കേരളത്തില്‍ നിന്നുള്ള മുഹമ്മദ് മുഹ്‌സിന്‍; പാരിതോഷികം പ്രഖ്യാപിച്ച് കേന്ദ്ര, സംസ്ഥാന സര്‍ക്കാരുകള്‍
ഡൂള്‍ന്യൂസ് ഡെസ്‌ക്
Sunday, 3rd November 2019, 11:32 am
തിരുവനന്തപുരം: സൗദി അറേബ്യന്‍ ഭരണകൂടം സംഘടിപ്പിച്ച ലോക ബാങ്ക് വിളി മത്സരത്തില്‍ കേരളത്തില്‍ നിന്നുള്ള പ്ലസ് ടു വിദ്യാര്‍ത്ഥി മുഹമ്മദ് മുഹ്‌സിന്‍ ഏഴാം സ്ഥാനവും കാഷ് പ്രൈസും നേടി. മദീനയിലായിരുന്നു മത്സരം നടന്നത്. തിരുവനന്തപുരം ചുള്ളിമാനൂര്‍ സെയ്ഫുദ്ദീന്റെ മകനാണ് മുഹമ്മദ് മുഹ്‌സിന്‍.
106 രാജ്യങ്ങളാണ് മത്സരത്തില്‍ പങ്കെടുത്തത്.ആകെ 106 മത്സരാര്‍ത്ഥികളും. ഇന്ത്യയില്‍ നിന്ന് മുഹ്‌സിന്‍ അടക്കം അഞ്ച് പേരാണ് പങ്കെടുത്തത്. എട്ടു റൗണ്ടുകളിലായി നടന്ന മത്സരത്തില്‍ മുഹ്‌സിന്‍ മാത്രമാണ് ഫൈനലിലെത്തിയത്.
