ആരാടോ ക്രെഡിറ്റ് സ്റ്റീലര്‍? കാണെടാ ഏഷ്യാ കപ്പില്‍ ധോണിയുടെ റെക്കോഡ്!
സ്പോര്‍ട്സ് ഡെസ്‌ക്
Saturday, 26th August 2023, 7:41 pm
ഏഷ്യാ കപ്പിനെ വരവേല്‍ക്കാനുള്ള ആവേശത്തിലാണ് ക്രിക്കറ്റ് ലോകവും ആരാധകരും. അഞ്ച് വര്‍ഷത്തിന് ശേഷമാണ് ഏഷ്യാ കപ്പ് ഏകദിന ഫോര്‍മാറ്റില്‍ നടക്കുന്നത്.
2018ലാണ് അവസാനമായി ഏഷ്യാ കപ്പ് അമ്പത് ഓവര്‍ ഫോര്‍മാറ്റില്‍ നടന്നത് ഇന്ത്യയായിരുന്നു കിരീടം ചൂടിയത്. ഏകദിന ലോകകപ്പിന് മുന്നോടിയായി നടക്കുന്ന ഏഷ്യാ കപ്പില്‍ ഒരുപാട് പ്രതീക്ഷകളും തയ്യാറെടുപ്പുകളുമായാണ് ഇന്ത്യന്‍ ടീം ഇറങ്ങുന്നത്.
ഏഷ്യാ കപ്പിന്റെ ചരിത്രങ്ങളും റെക്കോഡുകളും ഇപ്പോള്‍ ചര്‍ച്ചയാകുന്നുണ്ട്. ഏഷ്യാ കപ്പില്‍ ഏറ്റവും കൂടുതല്‍ റണ്‍സെടുത്ത നായകന്‍ മുന്‍ ഇന്ത്യന്‍ ക്യാപ്റ്റനായ എം.എസ്. ധോണിയാണ്. രണ്ടാം സ്ഥാനത്തുള്ള സൗരവ് ഗാംഗുലിയേക്കാള്‍ ബഹുദൂരം മുമ്പിലാണ് എം.എസ്. ധോണിയുടെ സ്ഥാനം.
