ചിന്നസ്വാമി സ്‌റ്റേഡിയത്തിലെ മഹേന്ദ്രസിങ് ധോണിയുടെ ബാറ്റിങ് പ്രകടനം കണ്ട് ഞെട്ടി സാക്ഷിയും അനുഷ്‌ക ശര്‍മ്മയും. ധോണി തുടരെ പന്ത് അതിര്‍ത്തി കടത്തുന്നത് കൊണ്ട് സാക്ഷി ആവേശം കൊണ്ടെങ്കില്‍ ബംഗളൂരുവിന്റെ തോല്‍വി കണ്ടുള്ള ഞെട്ടലിലായിരുന്നു അനുഷ്‌ക.
ഗ്യാലറിയില്‍ ഇരുന്ന് ധോണിയോട് സിക്‌സര്‍ അടിക്കാന്‍ സാക്ഷി ആവശ്യപ്പെടുന്നത് സോഷ്യല്‍ മീഡിയയിലും വൈറലായിരിക്കുകയാണ്.
ധോണിയും അമ്പാട്ടി റായിഡും നിറഞ്ഞാടിയ ഇന്നലത്തെ മത്സരത്തില്‍ 5 വിക്കറ്റിനാണ് ധോണിപ്പട വിജയം സ്വന്തമാക്കിയത്. 205 റണ്‍സ് വിജയ ലക്ഷ്യം പിന്തുടര്‍ന്ന് ചെന്നൈ 5 വിക്കറ്റ് നഷ്ടത്തില്‍ ഒരു പന്ത് ബാക്കിനില്‍ക്കെയാണ് ജയം നേടിയത്. 2 പന്തില്‍ 5 ജയിക്കാനുണ്ടായിരുന്നപ്പോള്‍ സിക്സ് അടിച്ച് ധോണി ഫിനിഷ് ചെയ്യുകയായിരുന്നു. 33 പന്തില്‍ നിന്നും 70 റണ്‍സാണ് ധോണി നേടിയത്.