ഇന്ന് ഞങ്ങളുടെ ആനിവേഴ്‌സറി; സീതാ രാമം ബി.ടി.എസ് വീഡിയോ പുറത്തുവിട്ട് മൃണാള്‍
എന്റര്‍ടെയിന്‍മെന്റ് ഡെസ്‌ക്
Saturday, 5th August 2023, 4:46 pm
ദുല്‍ഖര്‍ സല്‍മാന്‍- മൃണാള്‍ താക്കൂര്‍ കൂട്ടുകെട്ടിലൊരുങ്ങിയ സീതാരാമം ഓഗസ്റ്റ് അഞ്ചിന് റിലീസ് ചെയ്തിട്ട് ഒരു വര്‍ഷം പിന്നിടുകയാണ്. ഹനു രാഘവപ്പുടിയുടെ സംവിധാനത്തിലൊരുങ്ങിയ ഇമോഷണല്‍ ലവ് സ്‌റ്റോറി രാജ്യത്തെമ്പാടും വലിയ തംരഗമാണ് സൃഷ്ടിച്ചത്. സാധാരണ സൈനികനെ പ്രണയിച്ച രാജകുമാരിയുടെ കഥ തമിഴ്, തെലുങ്ക്, മലയാളം, ഹിന്ദി ഭാഷകളിലാണ് റിലീസ് ചെയ്തിരിക്കുന്നത്.
ഒന്നാം വാര്‍ഷികത്തോടനുബന്ധിച്ച് ബിഹൈന്‍ഡ് ദി സീന്‍സ് വീഡിയോ പുറത്തുവിട്ടിരിക്കുകയാണ് മൃണാല്‍ താക്കൂര്‍. ഷൂട്ടിനിടയിലുള്ള രസകരമായ രംഗങ്ങളാണ് വീഡിയോയിലുള്ളത്. ചിത്രം ആദ്യദിനം തിയേറ്ററില്‍ കണ്ടതിന് ശേഷം ഹനു രാഘവപ്പുടിയെ കെട്ടിപിടിച്ച് കരയുന്ന മൃണാളിനേയും ദുല്‍ഖറിനേയും വീഡിയോയില്‍ കാണാം.
