'ചിത്രത്തില്‍ എന്റെ ഡിസൈന്‍ എന്താണ്'; സിനിമക്ക് വേണ്ടി വിനായകനെ സമീപിച്ചപ്പോഴുള്ള അനുഭവം പങ്കുവെച്ച് സംവിധായകന്‍
എന്റര്‍ടെയിന്‍മെന്റ് ഡെസ്‌ക്
Wednesday, 13th September 2023, 3:33 pm
കാസര്‍ഗോള്‍ഡ് എന്ന ചിത്രത്തിന് വേണ്ടി വിനായകനെ സമീപിച്ചപ്പോഴുണ്ടായ അനുഭവം പങ്കുവെച്ച് സംവിധായകന്‍ മൃദുല്‍ നായര്‍. കഥാപാത്രത്തെ കുറിച്ച് പറഞ്ഞപ്പോള്‍ തന്റെ ഡിസൈന്‍ എന്താണെന്നാണ് വിനായകന്‍ ആദ്യം ചോദിച്ചതെന്നും കോസ്റ്റിയൂം എന്ന വാക്കിന് പകരം അദ്ദേഹം ഡിസൈന്‍ എന്നാണ് ഉപയോഗിച്ചതെന്നും മൃദുല്‍ നായര്‍ പറഞ്ഞു. ക്ലബ്ബ് എഫ്.എമ്മിന് നല്‍കിയ അഭിമുഖത്തിലാണ് മൃദുല്‍ ഇക്കാര്യം പറഞ്ഞത്.
‘ഗോവയില്‍ വെച്ചാണ് വിനായകനോട് കഥ പറയുന്നത്. വാട്ട് ഈസ് മൈ ഡിസൈന്‍? കോസ്റ്റിയൂം എന്താണ് എന്നല്ല, എന്റെ ഡിസൈന്‍ എന്താണെന്നാണ് വിനായകന്‍ ചോദിച്ചത്. ‘കള്ളിമുണ്ടും ബനിയനുമാണെങ്കില്‍ ഫ്രീ ആയിട്ട് അഭിനയിക്കാമെന്നും ബട്ട് ഇഫ് യു ആര്‍ സ്റ്റൈലിങ് മി ഐ നീഡ് ടു നോ’ എന്നാണ് പുള്ളി പറഞ്ഞത്.
