മിസ്റ്റര്‍ ബീന്‍ ഹിറ്റ്‌ലാറാകുന്നു: പീക്കി ബ്ലൈന്‍ഡേഴ്‌സ് പുതിയ സീസണ്‍

ആരാധകര്‍ ഏറെ ആകാംക്ഷയോടെ കാത്തിരിക്കുന്ന പീക്കി ബ്ലൈന്‍ഡേഴ്‌സിന്റെ പുതിയ സീസണിന്റെ അനൗണ്‍സ്‌മെന്റ് കഴിഞ്ഞ ദിവസമാണ് നടന്നത്. ആരാധകര്‍ക്ക് പുത്തന്‍ സര്‍പ്രൈസുമായിട്ടാണ് പീക്കി ബ്ലൈന്‍ഡേഴ്‌സിന്റെ ആറാം സീസണിന്റെ പ്രഖ്യാപനമെത്തിയത്.

പുതിയ സീസണില്‍ ഹിറ്റ്‌ലറിന്റെ വേഷത്തിലെത്തുന്നത് പ്രശസ്ത ബ്രിട്ടീഷ് നടന്‍ റോവന്‍ അറ്റ്കിന്‍സണാണ്. മിസ്റ്റര്‍ ബീന്‍ എന്ന കഥാപാത്രത്തിലൂടെ പ്രേക്ഷകര്‍ക്ക് സുപരിചിതനാണ് അറ്റ്കിന്‍സണ്‍. അറ്റ്കിന്‍സണിന്റെ കരിയറിലെ തികച്ചും വ്യത്യസ്തമായ ഈ റോളായിരിക്കും ഇതെന്നാണ് വിലയിരുത്തപ്പെടുന്നത്.

നാളുകളായി ആറാം സീസണിനായി കാത്തിരിപ്പിലായിരുന്ന പീക്കി ബ്ലൈന്‍ഡേഴ്‌സ് ആരാധകര്‍ വലിയ ആവേശത്തോടെയാണ് റോവന്‍ അറ്റ്കിന്‍സണ്‍ ഹിറ്റ്‌ലാറായെത്തുമെന്ന വാര്‍ത്ത സ്വീകരിച്ചത്.

ആറാം സീസണെക്കുറിച്ചുള്ള വാര്‍ത്തകള്‍ വന്നതിന് പിന്നാലെ തന്നെ അറ്റ്കിന്‍സണ്‍ പുതിയ സീസണില്‍ പ്രധാന കഥാപാത്രമായെത്തുമെന്ന് ചില ഫാന്‍ പേജുകള്‍ അറിയിച്ചിരുന്നു. പക്ഷെ സീരിസ് നിര്‍മ്മാതാക്കള്‍ സ്ഥിരീകരണമൊന്നും നല്‍കിയിരുന്നില്ല. കഴിഞ്ഞ ദിവസം ആറാം സീസണ്‍ പോസ്റ്റര്‍ വന്നതോടെയാണ് അറ്റ്കിന്‍സണ്‍ ഹിറ്റ്‌ലാറായെത്തുന്ന കാര്യത്തില്‍ സ്ഥിരീകരണമുണ്ടായത്.

ഹിസ്‌റ്റോറിക്കല്‍ ഫിക്ഷന്‍ വിഭാഗത്തില്‍ വരുന്ന പീക്കി ബ്ലൈന്‍ഡേഴ്‌സ് ക്രൈം ത്രില്ലറാണ്. തോമസ് ഷെല്‍ബി എന്ന പീക്കി ബ്ലൈന്‍ഡേഴ്‌സ് കേന്ദ്ര കഥാപാത്രത്തിന് പ്രത്യേക ഫാന്‍ബേസ് തന്നെയുണ്ട്. സിലിയന്‍ മര്‍ഫിയാണ് തോമസ് ഷെല്‍ബിയായെത്തുന്നത്.

ഒന്നാം ലോകമഹായുദ്ധത്തിന്റെയും 19 നൂറ്റാണ്ടിലെ മറ്റു സംഭവങ്ങളിലൂടെയും കടന്നു പോകുന്ന പീക്കി ബ്ലൈന്‍ഡേഴ്‌സ് ഏറ്റവും മികച്ച ക്ലാസിക് ക്രൈം ഡ്രാമയായിട്ടാണ് കണക്കാക്കപ്പെടുന്നത്.

ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും  ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ

Content Highlight: Mr.Bean actor Rowan Atkinson to act as Hitler in Peaky Blinders new season