മഞ്ജു വാര്യര്‍ നായികയായ കരിങ്കുന്നം സിക്‌സസ് എന്ന സൂപ്പര്‍ഹിറ്റ് ചിത്രത്തിന് ശേഷം സംവിധായകന്‍ ദീപു കരുണാകരന്‍ ഒരുക്കിയ ചിത്രമാണ് ‘മിസ്റ്റര്‍ ആന്‍ഡ് മിസിസ് ബാച്ചിലര്‍’. ഈ ചിത്രത്തിന്റെ ഫസ്റ്റ് ലുക്ക് റിലീസ് ചെയ്തു. ഓഗസ്റ്റ് 23ന് സിനിമ പ്രേക്ഷകരുടെ മുന്നിലെത്തും.
ഇന്ദ്രജിത്ത് സുകുമാരന്‍, അനശ്വര രാജന്‍ എന്നിവരാണ് ഈ ചിത്രത്തില്‍ പ്രധാന കഥാപാത്രങ്ങളായി എത്തുന്നത്. ഇരുവരും ആദ്യമായി ഒരുമിച്ച് അഭിനയിച്ച ഈ ചിത്രം, ഒരു റൊമാന്റിക് കോമഡി ആയാണ് ഒരുക്കിയിരിക്കുന്നത്.
രാഹുല്‍ മാധവ്, ദീപു കരുണാകരന്‍, സോഹന്‍ സീനുലാല്‍, ബിജു പപ്പന്‍ എന്നിവരും വേഷമിട്ട ‘മിസ്റ്റര്‍ ആന്‍ഡ് മിസിസ് ബാച്ചിലര്‍’ നിര്‍മിച്ചിരിക്കുന്നത് ഹൈലൈന്‍ പിക്‌ചേഴ്‌സിന്റെ ബാനറില്‍ പ്രകാശ് ഹൈലൈന്‍ ആണ്. അര്‍ജുന്‍ ടി. സത്യന്‍ രചിച്ചിരിക്കുന്ന ഈ ചിത്രത്തിന് ക്യാമറ ചലിപ്പിച്ചത് പ്രദീപ് നായറാണ്.
എഡിറ്റിങ്ങ് – സോബിന്‍ കെ. സോമന്‍, കലാ സംവിധാനം – സാബു റാം, സംഗീതം – പി.എസ്. ജയഹരി, വസ്ത്രാലങ്കാരം – ബൂസി ബേബി ജോണ്‍, പ്രൊഡക്ഷന്‍ കണ്‍ട്രോളര്‍ – എസ്. മുരുഗന്‍, എക്‌സിക്യൂട്ടീവ് പ്രൊഡ്യൂസര്‍ – ബാബു ആര്‍., പോസ്റ്റ് പ്രൊഡക്ഷന്‍ ഡയറക്ടര്‍ – ശരത് വിനായക്, ചീഫ് അസോസിയേറ്റ് – സാംജി എം. ആന്റണി, അസോസിയേറ്റ് ഡയറക്ടര്‍ – ശ്രീരാജ് രാജശേഖരന്‍, മേക്കപ്പ് – ബൈജു ശശികല, പി. ആര്‍.ഒ – ശബരി, മാര്‍ക്കറ്റിങ്ങ് & ബ്രാന്‍ഡിങ്ങ് – റാബിറ്റ് ബോക്‌സ് ആഡ്സ്, പബ്ലിസിറ്റി ഡിസൈന്‍ – മാ മി ജോ, സ്റ്റില്‍സ് – അജി മസ്‌കറ്റ്.
Content Highlight: Mr And Mrs Bachelor Movie Firstlook