ക്ഷേത്രത്തിന് മുന്നില്‍ ബോളിവുഡ് ഗാനത്തിന് നൃത്തം ചെയ്ത് യുവതി; അശ്ലീലമെന്നാരോപിച്ച് ബജ്റംഗ് ദളിന്റെ പരാതി
ഡൂള്‍ന്യൂസ് ഡെസ്‌ക്
Monday, 27th September 2021, 10:24 am
ഭോപ്പാല്‍: ക്ഷേത്രത്തിന് മുന്നില്‍ നൃത്തം ചെയ്ത യുവതിക്കെതിരെ പൊലീസ് കേസ്. മധ്യപ്രദേശിലാണ് സംഭവം. ക്ഷേത്രത്തിന് പുറത്ത് ബോളിവുഡ് ഗാനത്തിനാണ് യുവതി നൃത്തം ചെയ്തത്.
യുവതിയുടെ നൃത്തം സോഷ്യല്‍ മീഡയയില്‍ വൈറല്‍ ആയിരുന്നു. ഇതിന് പിന്നാലെ യുവതിക്കെതിരെ ബജ്റംഗ് ദള്‍ പ്രവര്‍ത്തകര്‍ പരാതിയും നല്‍കിയിരുന്നു.
ഹിന്ദുക്കളുടെ മതവികാരം വ്രണപ്പെടുത്തുന്നതിനായി രാമ-സീത ക്ഷേത്രമായ ജന്റായ് തോരിയ മന്ദിരത്തിന് പുറത്ത് യുവതി അശ്ലീലമായി നൃത്തം ചെയ്തുവെന്നാരോപിച്ചാണ് ബജ്റംഗ് ദള്‍ നേതാവ് പരാതി നല്‍കിയത്. ഇതിന് പിന്നാലെയാണ് പൊലീസ് യുവതിക്കെതിരെ കേസെടുത്തത്.
