മുസ്‌ലിങ്ങള്‍ കീടങ്ങളല്ല, മനുഷ്യരാണ്, രാജ്യത്തെ പൗരന്മാരാണ്; കശ്മീരി ഫയല്‍സിനെതിരെ ട്വീറ്റുമായി ഐ.എ.എസ് ഉദ്യോഗസ്ഥന്‍; ബി.ജെ.പിയുടെ പ്രതിഷേധം
ഡൂള്‍ന്യൂസ് ഡെസ്‌ക്
Monday, 21st March 2022, 8:30 am
ഭോപ്പാല്‍: കശ്മീര്‍ ഫയല്‍സിനെക്കുറിച്ച് ട്വീറ്റ് ചെയ്ത ഐ.എ.എസ് ഓഫീസര്‍ക്കെതിരെ നടപടിയെടുക്കണമെന്ന് ബി.ജെ.പി.
മധ്യപ്രദേശ് കേഡറിലെ ഐ.എ.എസ് ഉദ്യോഗസ്ഥനാണ് കശ്മീര്‍ ഫയല്‍സിനെതിരെ ട്വീറ്റ് ചെയ്തത്.
‘കശ്മീര്‍ ഫയല്‍സ് ബ്രാഹ്‌മണരുടെ വേദന കാണിക്കുന്നു. അവരെ എല്ലാ ബഹുമാനത്തോടെയും കശ്മീരില്‍ സുരക്ഷിതമായി ജീവിക്കാന്‍ അനുവദിക്കണം.
എന്നാല്‍, നിരവധി സംസ്ഥാനങ്ങളിലായി നിരവധി മുസ്‌ലിങ്ങളെ കൊന്നൊടുക്കിയതിനെ പറ്റിയും നിര്‍മാതാവ് ഒരു സിനിമ ചെയ്യണം. മുസ്‌ലിങ്ങള്‍ കീടങ്ങളല്ല, മനുഷ്യരാണ്. രാജ്യത്തെ പൗരന്മാരാണ്” ഐ.എ.എസ് ഓഫീസര്‍ നിയാസ് ഖാന്‍ ട്വീറ്റ് ചെയ്തു. നിയാസ് ഖാന്‍ എഴുത്തുകാരന്‍ കൂടിയാണ്.
