ഗോഡ്‌സെ ആരാധകനെ തിരിച്ചെടുത്തും, പാര്‍ട്ടി തീരുമാനത്തെ വിമര്‍ശിച്ച നേതാവിനെ പുറത്താക്കിയും കോണ്‍ഗ്രസ്
ഡൂള്‍ന്യൂസ് ഡെസ്‌ക്
Wednesday, 17th March 2021, 11:52 am
ഭോപ്പാല്‍: ഗാന്ധി ഘാതകന്‍ വിനായക് നാഥൂറാം ഗോഡ്‌സെയെ പ്രശംസിച്ച നേതാവിനെ വിമര്‍ശിച്ചതിന് കോണ്‍ഗ്രസ് നേതാവായ മാനക് അഗര്‍വാളിനെ പാര്‍ട്ടി പുറത്താക്കി.
‘ഗോഡ്‌സെ അനുയായി’യെ കോണ്‍ഗ്രസില്‍ തിരിച്ചെടുത്ത തീരുമാനത്തെ വിമര്‍ശിച്ചതിനാണ് മനക് അഗര്‍വാളിനെ മധ്യപ്രദേശ് കോണ്‍ഗ്രസ് പുറത്താക്കിയത്.
കോണ്‍ഗ്രസ് വിട്ട് ഹിന്ദുമാഹാസഭയില്‍ പോയ ബാബുലാല്‍ ചൗരസ്യയെയാണ് കോണ്‍ഗ്രസ് തിരിച്ചെടുത്തത്. ഗോഡ്‌സെയുടെ പ്രതിമ ഹിന്ദു മഹാസഭയുടെ കാര്യാലയത്തില്‍ സ്ഥാപിക്കാനടക്കം ഇയാള്‍ മുന്‍കയ്യെടുത്തിരുന്നു. ഇയാളെ തിരിച്ചെടുത്തതാണ് മനകിനെ പ്രകോപിപ്പിച്ചത്.
