പ്രഹ്‌ളാദ് ലോധിയുടെ അംഗത്വം പുഃനസ്ഥാപിച്ചു; മധ്യപ്രദേശ് നിയമസഭയില്‍ ബി.ജെ.പി ക്ക് വീണ്ടും 108 സീറ്റ്
ഡൂള്‍ന്യൂസ് ഡെസ്‌ക്
Tuesday, 10th December 2019, 11:08 am
ന്യൂദല്‍ഹി: മധ്യപ്രദേശിലെ ബി.ജെ.പി എം.എല്‍.എ പ്രഹ്‌ളാദ് ലോധിയുടെ അംഗത്വം നിയമസഭാ സ്പീക്കര്‍ നര്‍മദ പ്രജാപതി പുഃനസ്ഥാപിച്ചു. ഇതോടെ ഡിസംബര്‍ 17 മുതല്‍ ആരംഭിക്കുന്ന സെഷനില്‍ പ്രഹ്‌ളാദ് ലോധിക്ക് പങ്കെടുക്കാന്‍ കഴിയും.
മധ്യപ്രദേശിലെ പവായില്‍ നിന്നുള്ള ബി.ജെ.പി എം.എല്‍.എയാണ് പ്രഹ്‌ളാദ് ലോധി.
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
സര്‍ക്കാര്‍ ഉദ്യോഗസ്ഥരെ ആക്രമിച്ചെന്നാരോപിച്ച് നവംബര്‍ രണ്ടിന് മധ്യപ്രദേശ് നിയമസഭാ സ്പീക്കര്‍ പ്രഹ്‌ളാദ് ലോധിയുടെ അംഗത്വം റദ്ദാക്കുകയും നിയമസഭയില്‍ ഒരു സീറ്റ് ഒഴിഞ്ഞതായി പ്രഖ്യാപിക്കുകയും ചെയ്തിരുന്നു.
