കോഴിക്കോട് രണ്ടര വയസുക്കാരന്‍ ഭക്ഷ്യ വിഷബാധയേറ്റ് മരിച്ച സംഭവം; അമ്മയേയും ആശുപത്രിയില്‍ പ്രവേശിപ്പിച്ചു
ഡൂള്‍ന്യൂസ് ഡെസ്‌ക്
Sunday, 14th November 2021, 5:44 pm
കോഴിക്കോട്: കോഴിക്കോട് നരിക്കുനിയില്‍ രണ്ടര വയസുകാരന്‍ മരിച്ചത് ഭക്ഷ്യവിഷബാധയേറ്റെന്ന് സംശയം. സംഭവത്തില്‍ അമ്മയേയും ആശുപത്രിയില്‍ പ്രവേശിപ്പിച്ചു. കുട്ടി വിവാഹസദ്യ കഴിക്കാന്‍ പോയ വീട്ടില്‍ ആരോഗ്യ വകുപ്പ് പരിശോധന നടത്തി.
കുട്ടിയുടെ ആന്തരികാവയവങ്ങള്‍ വിദഗ്ദ പരിശോധനയ്ക്കയച്ചിട്ടുണ്ട്. കുട്ടിക്കുണ്ടായിരുന്നതുപോലുള്ള ആരോഗ്യ പ്രശ്നങ്ങളുമായാണ് അമ്മയെ ആശുപത്രിയില്‍ പ്രവേശിപ്പിച്ചത്.
കടുത്ത ഛര്‍ദില്‍ അമുഭവപ്പെട്ടതിനെ തുടര്‍ന്നാണ് യെമിനെ ആദ്യം സമീപത്തെ സ്വകാര്യ ആശുപത്രിയില്‍ പ്രവേശിപ്പിച്ചത്. ആരോഗ്യനില വഷളായതോടെ കോഴിക്കോട് മെഡിക്കല്‍ കോളേജിലേക്ക് മാറ്റുന്നതിനിടയിലാണ് മരിച്ചത്.
