രാജ്യത്തെ മികച്ച എം.പിമാരില്‍ മൂന്നാമത് രാഹുല്‍ ഗാന്ധി, ജനങ്ങള്‍ക്കൊപ്പം നിന്നു പ്രവര്‍ത്തിച്ചുവെന്ന് കൊവിഡ് കാല സര്‍വേ
ഡൂള്‍ന്യൂസ് ഡെസ്‌ക്
Thursday, 24th December 2020, 8:30 am
കൊവിഡ് ലോക്ക്ഡൗണ്‍ സയമത്ത് രാജ്യത്തെ ജനങ്ങളെ സഹായിച്ച എം.പിമാരുടെ പട്ടികയില്‍ വയനാട് എം.പി രാഹുല്‍ഗാന്ധി മൂന്നാം സ്ഥാനത്ത്. ദല്‍ഹി കേന്ദ്രീകരിച്ച് പ്രവര്‍ത്തിക്കുന്ന ഗവേണ്‍ഐ നടത്തിയ സര്‍വേയിലാണ് രാഹുല്‍ മൂന്നാം സ്ഥാനത്തെത്തിയത്.
ലോക്ക്ഡൗണ്‍ കാലത്ത് നിയോജക മണ്ഡലങ്ങളില്‍ സജീവമായി പ്രവര്‍ത്തിച്ച് ജനങ്ങള്‍ക്കൊപ്പം നിന്ന എം.പിമാരെ കണ്ടെത്താനായിരുന്നു ഗവേണ്‍ഐ സര്‍വേ നടത്തിയത്.
ജനങ്ങള്‍ക്കിടയില്‍ സര്‍വേ നടത്തിയാണ് പട്ടിക തയ്യാറാക്കിയിരിക്കുന്നത്. മികച്ച പത്ത് എം.പിമാരെ സര്‍വേയിലൂടെ കണ്ടെത്തിയിട്ടുണ്ട്. ജനങ്ങള്‍ തന്നെ നിര്‍ദേശിച്ച 25 ലോക്‌സഭാ എം.പിമാരുടെ പട്ടികയില്‍ നിന്നാണ് മികച്ച പത്ത് പേരെ കണ്ടെത്തിയത്.
