സ്ത്രീകളുടെ ചിത്രങ്ങള്‍ മോര്‍ഫ് ചെയ്ത് അശ്ലീല വീഡിയോ; തിരുവനന്തപുരത്ത് ജ്യോതിഷ തന്ത്രിയെ നാട്ടുകാര്‍ പിടികൂടി പൊലീസില്‍ ഏല്‍പ്പിച്ചു
ഡൂള്‍ന്യൂസ് ഡെസ്‌ക്
Saturday, 8th May 2021, 8:20 am
തിരുവനന്തപുരം: സ്ത്രീകളുടെ ചിത്രങ്ങള്‍ അശ്ലീല വീഡിയോയുമായി മോര്‍ഫ് ചെയ്ത സംഭവത്തില്‍ ജ്യോതിഷ തന്ത്രി പിടിയില്‍. മൈലോട്ടു മൂഴി മൊട്ടമൂഡ് ദ്വാരക ജോതിഷാലയം നടത്തുന്ന നെയ്യാറ്റിന്‍കര മഞ്ചവിളാകം വിഷ്ണു പോറ്റി എന്ന വിഷ്ണുവാണ് പിടിയിലായത്.
വിഷ്ണുവിനെ നാട്ടുകാരാണ് പിടികൂടി പൊലീസില്‍ ഏല്‍പ്പിച്ചത്. നിരവധി സ്ത്രീകളുടെ ചിത്രങ്ങളാണ് ഇയാളുടെ ലാപ് ടോപ്പില്‍ ഉണ്ടായിരുന്നത്.
ജ്യോതിഷാലയത്തില്‍ എത്തുന്ന സ്ത്രീകളുടെ ഫോട്ടോകളും, ഫേസ് ബുക്കില്‍ നിന്ന് ശേഖരിക്കുന്ന ചിത്രങ്ങളും ഉപയോഗിച്ചായിരുന്നു ഇയാള്‍ മോര്‍ഫിംഗ് നടത്തിയത്.
