ഗീതു മോഹന്‍ദാസിന്റെ സംവിധാനത്തിലൊരുങ്ങിയ പുതിയ സിനിമയായ മൂത്തോന് അഭിനന്ദനങ്ങളുമായി നടി മഞ്ജു വാര്യര്‍. ഫേസ്ബുക്കിലൂടെയായിരുന്നു നടിയുടെ പ്രതികരണം.
പലരും മടിക്കുന്ന സത്യങ്ങളാണ് ഗീതു മോഹന്‍ദാസ് മൂത്തോനില്‍ അവതരിപ്പിച്ചതെന്ന് മഞ്ജു പറഞ്ഞു. മലയാള സിനിമ ഇതുവരെ കടന്നു ചെന്നിട്ടില്ലാത്ത ഇടങ്ങളും സിനിമയില്‍ കാണിച്ചു തരുന്നെന്നും മഞ്ജു പറഞ്ഞു.
സിനിമ ഉള്ളില്‍ തട്ടുന്ന അനുഭവമായിരിക്കുമെന്നും ഗീതു മോഹന്‍ദാസിനും നിവിന്‍ പോളിക്കും രാജീവ് രവിക്കും അനുരാഗ് കശ്യപിനും മൂത്തോന്റെ ഭാഗമായ എല്ലാവര്‍ക്കും അഭിനന്ദനങ്ങള്‍ എന്നും മഞ്ജു കുറിച്ചു.
മൂത്തോന് സിനിമയ്ക്ക് നടന്‍ ജോജു ജോര്‍ജും സംവിധായകന്‍ ജൂഡ് ആന്റണിയും അഭിനന്ദനങ്ങളറിയിച്ചിരുന്നു. അടുത്ത ദേശീയ അവാര്‍ഡിന് നിങ്ങളും കാണും എന്നായിരുന്നു ജോജുവിന്റെ ഫേസ്ബുക്ക പോസ്റ്റ്.
നവംബര്‍ നാലിനാണ് മൂത്തോന് തിയറ്ററുകളില്‍ എത്തിയത്. വേള്‍ഡ് പ്രീമിയര്‍ ടൊറന്റോ അന്താരാഷ്ട്ര ചലചിത്രോത്സവ വേദിയില്‍ പ്രദര്‍ശിപ്പിക്കുകയും നിരൂപക പ്രശംസ നേടുകയും ചെയ്തിരുന്ന സിനിമയാണ് മൂത്തോന്.
