ചെറുപ്രായത്തില്‍ തന്നെ അതും ഒരു സാധാരണ ബാലന് ചെയ്യാന്‍ കഴിയാത്തവിധം അതിമനോഹരമായ നിരവധി ചിത്രങ്ങളാണ് ക്ലിന്റ് എന്ന് ലോകം അറിയുന്ന എഡ്മണ്ട് തോമസ് ക്ലിന്റ് വരച്ചെടുത്തത്. ഈ ചിത്രങ്ങള്‍ക്കിപ്പോള്‍ മുപ്പത് വര്‍ഷത്തോളം പഴക്കമുണ്ട്. ക്ലിന്റിന്റെ ജീവിതത്തെ ആധാരമാക്കി ഏഴു പുസ്തകങ്ങളും, രണ്ട് ഡോക്യുമെന്ററികളും രചിക്കപ്പെട്ടിട്ടുണ്ട്.
1976 ല്‍ കൊച്ചി സ്വദേശിയായ എം.ടി ജോസഫിന്റെയും ചിന്നമ്മ ജോസഫിന്റെയും പുത്രനായാണ് ക്ലിന്റ് ജനിച്ചത്. 5 വയസ്സുള്ളപ്പോള്‍ തന്നെ ചിത്രരചനാ മത്സരങ്ങളിലും ക്ലിന്റ് നിരവധി സമ്മാനങ്ങള്‍ നേടിയിട്ടുണ്ട്. ഏഴാമത്തെ വയസ്സാവുന്നതിനു മുമ്പ് വൃക്കരോഗത്തെ തുടര്‍ന്നാണ് 1983 ഏപ്രില്‍ 15നു ക്ലിന്റ് മരണമടഞ്ഞത്