റിലീസ് ചെയ്തതിന് പിന്നാലെ ചോര്‍ന്ന് മണി ഹീസ്റ്റ്; പുതിയ എപ്പിസോഡ് തമിഴ് റോക്കേഴ്‌സിലും ടെലഗ്രാമിലും
ഡൂള്‍ന്യൂസ് ഡെസ്‌ക്
Saturday, 4th December 2021, 2:30 pm
ലോകത്താകമാനം ജനപ്രീതി നേടിയ സ്പാനിഷ് സീരീസാണ് മണി ഹീസ്റ്റ്. സ്പാനിഷ് ഭാഷയില്‍ പുറത്തിറങ്ങിയ സീരിസ് സ്‌പെയിനില്‍ ഒരു പരാജയമായിരുന്നു. എന്നാല്‍ നെറ്റ്ഫ്‌ളിക്‌സ് ഏറ്റെടുത്ത് ഇംഗ്ലീഷില്‍ ഡബ് ചെയ്തതോടെ പ്രൊഫസറേയും ടീമിനേയും ലോകം മുഴുവന്‍ ഏറ്റെടുക്കുകയായിരുന്നു. സീരിസിന്റെ അഞ്ചാം ഭാഗത്തിന്റെ രണ്ടാം വോളിയം കഴിഞ്ഞ ദിവസമാണ് നെറ്റ്ഫ്‌ളിക്‌സില്‍ റിലീസ് ചെയ്തത്. എന്നാല്‍ റിലീസ് ചെയ്ത് മണിക്കൂറുകള്‍ക്കകം ടോറന്റ് സൈറ്റുകളില്‍ സീരിസ് ചോര്‍ന്നിരിക്കുകയാണ്.
തമിഴ് റോക്കേഴ്സ്സ, ടെലഗ്രാം, മൂവിറൂള്‍സ് മുതലായ സൈറ്റുകളിലാണ് മണി ഹീസ്റ്റിന്റെ ഏറ്റവും പുതിയ എപ്പിസോഡ് ഇറങ്ങിയ ദിവസം തന്നെ പ്രത്യക്ഷപ്പെട്ടത്. അഞ്ചാം സീസണിലെ രണ്ടാം എപ്പിസോഡിന്റെ എച്ച്.ഡി ക്വാളിറ്റിയുള്ള വിഡിയോ ആണ് ചോര്‍ന്നിരിക്കുന്നത്.
