വ്യാജ ഇ-മെയില്‍ ഐഡി ഉപയോഗിച്ച് പണം തട്ടിപ്പ്; മുഖ്യമന്ത്രിക്കും ഡി.ജി.പിക്കും പരാതി നല്‍കി മുല്ലപ്പള്ളി രാമചന്ദ്രന്‍
ഡൂള്‍ന്യൂസ് ഡെസ്‌ക്
Sunday, 16th May 2021, 5:11 pm
തിരുവനന്തപുരം: തന്റെ പേരില്‍ വ്യാജ ഇ-മെയില്‍ ഐഡി ഉണ്ടാക്കി പണം തട്ടിപ്പ് നടക്കുന്നതായി കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന്റെ പരാതി.
വ്യാജ ഇ-മെയില്‍ ഐഡി ഉപയോഗിച്ച് ധനസഹായാഭ്യര്‍ത്ഥന നടത്തി വ്യാപകമായി പണം തട്ടിപ്പ് നടത്തുന്നുണ്ടെന്നാണ് മുല്ലപ്പള്ളി പരാതിയില്‍ പറയുന്നത്. ഇത് സംബന്ധിച്ച് മുഖ്യമന്ത്രിക്കും ഡി.ജി.പിക്കും പരാതി നല്‍കിയതായും അദ്ദേഹം പറഞ്ഞു.
ഇത്തരത്തില്‍ തട്ടിപ്പ് നടക്കുന്നതായി തന്റെ സഹപ്രവര്‍ത്തകരാണ് കഴിഞ്ഞ ദിവസം തന്റെ ശ്രദ്ധയില്‍പ്പെടുത്തിയത്. ഇത്തരം തട്ടിപ്പ് സംഘത്തിന്റെ പിടിയില്‍ അകപ്പെടരുതെന്നും ജാഗ്രത പുലര്‍ത്തണമെന്നും മുല്ലപ്പള്ളി പറഞ്ഞു.
