'അദ്ദേഹം എന്നെ ലാലുമോന്‍ എന്നാണ് വിളിക്കുന്നത്, ആ സിനിമയിലൂടെ ഒരുപാടു ദൂരം ഞാന്‍ സഞ്ചരിക്കുമെന്ന് കരുതിക്കാണണം'; അനുഭവം പങ്കിട്ട് മോഹന്‍ലാല്‍
എന്റര്‍ടെയിന്‍മെന്റ് ഡെസ്‌ക്
Thursday, 10th December 2020, 3:28 pm
മലയാളികളുടെ പ്രിയനടന്‍ മോഹന്‍ലാലിന്റെ സിനിമാ അനുഭവങ്ങളും സ്വപ്‌നങ്ങളും പ്രേക്ഷകര്‍ എന്നും ഇരുകൈയ്യും നീട്ടിയാണ് സ്വീകരിച്ചിട്ടുള്ളത്. ഇപ്പോഴിതാ തന്റെ ആദ്യ സിനിമയായ മഞ്ഞില്‍ വിരിഞ്ഞ പൂക്കളുടെ അനുഭവം പങ്കുവെച്ചിരിക്കുകയാണ് കേരള കൗമുദിക്ക് നല്‍കിയ അഭിമുഖത്തില്‍ മോഹന്‍ലാല്‍.
മഞ്ഞില്‍ വിരിഞ്ഞ പൂക്കളുടെ നിര്‍മാതാവായ നവോദയ അപ്പച്ചനെ കുറിച്ചാണ് മോഹന്‍ലാല്‍ പറയുന്നത്. അപ്പച്ചന് തന്നോട് നല്ല സ്‌നേഹമായിരുന്നുവെന്നും തന്നെ ലാലുമോന്‍ എന്നാണ് വിളിച്ചിരുന്നതെന്നും മോഹന്‍ലാല്‍ പറയുന്നു.
അഭിമുഖത്തിനായി എത്തിയ അന്നുമുതല്‍ അവസാന നിമിഷം കാണുന്നതുവരെയും ഒരേ സ്‌നേഹമായിരുന്നെന്നും ഇങ്ങനെ ഒരാള്‍ അദ്ദേഹത്തിന്റെ സിനിമയിലൂടെ ഒരുപാടു നാള്‍ മുന്നോട്ട് സഞ്ചരിക്കുമെന്ന് ആദ്ദേഹം കരുതിക്കാണണമെന്നും മോഹന്‍ലാല്‍ പറഞ്ഞു.
