വിനോദ് നാരായണൻ രചന – സംവിധാനം നിർവഹിക്കുന്ന ‘ജീവൻ’ എന്ന പുതിയ സിനിമയുടെ ഫസ്റ്റ് ലുക്ക് പോസ്റ്റർ നടൻ മോഹൻലാൽ റിലീസ് ചെയ്തു. മദ്യപാനം ഒരു വ്യക്തിയെയും കുടുംബത്തെയും ഏതൊക്കെ രീതിയിൽ ബാധിക്കുന്നുവെന്ന് വരച്ചു കാട്ടുന്ന ചിത്രത്തിൽ സിനു സിദ്ധാർത്ഥ് ആണ് നായകനായി എത്തുന്നത്.
ജീവൻ എന്ന കഥാപാത്രമായാണ് സിനു സിദ്ധാർഥ് എത്തുന്നത്. നിരവധി പുതുമുഖങ്ങൾ അണിനിരക്കുന്ന ചിത്രത്തിൽ സുനിൽ പണിക്കർ, റൂബി ബാലൻ വിജയൻ , പ്രീതി ക്രിസ്റ്റീന പോൾ, വിവിയ ശാന്ത്, സുഭാഷ് പന്തളം എന്നിവർ ആണ് മറ്റ് പ്രധാനപ്പെട്ട കഥാപാത്രങ്ങളെ അവതരിപ്പിക്കുന്നത്.
ഗോപികാ ഫിലിംസിന്റെ ബാനറിൽ സുനിൽ പണിക്കരും വിഷ്ണു വിജയനും ചേർന്ന് നിർമിക്കുന്ന ചിത്രം മദ്യപാനത്തിന്റെ വിവിധ ദുരന്ത തലങ്ങളുടെ പ്രശ്നങ്ങൾ ചർച്ച ചെയ്യുന്നു. തീർത്തും ഒരു കുടുംബചിത്രമായി എത്തുന്ന ‘ജീവൻ’ സിനിമയുടെ സംഗീതം നിർവഹിക്കുന്നത് ഗോപി സുന്ദർ ആണ്. ഷിബു ചക്രവർത്തിയാണ് ഗാനരചന.
ഡി.ഒ.പി – സിനു സിദ്ധാർത്ഥ്, ബാക്ക് ഗ്രൗണ്ട് സ്കോർ – ഗോപി സുന്ദർ, എഡിറ്റിങ് – ബാബു രത്നം, ആർട്ട് ഡയറക്ടർ – രജീഷ്, പ്രൊഡക്ഷൻ കൺട്രോളർ – ഷാജി ഒലവക്കോട്, കൊറിയോഗ്രാഫി – ഡെന്നി പോൾ, മേക്കപ്പ് – അനിൽ നേമം, കോസ്റ്റ്യൂംസ് – വീണ അജി, കളറിസ്റ്റ് – രമേഷ് അയ്യർ, സ്റ്റണ്ട് കൊറിയോഗ്രാഫി – ജെറോഷ്, സ്റ്റിൽസ് – ഹരി തിരുമല, ഡിസൈൻസ് , ബാൺ ഔൾ മീഡിയ, പി.ആർ.ഒ – മഞ്ജു ഗോപിനാഥ്. ഡിജിറ്റൽ മാർക്കറ്റിങ് – ഒബ്സ്ക്യൂറ.
Content Highlight: Mohanlal released Jeevan movie’s first look poster