'സംതിങ്ങ് ഫിഷി'; ദുല്‍ഖറിന്റെ നിര്‍മ്മാണത്തില്‍ പൃഥ്വി സംവിധാനം ചെയ്യുന്ന മോഹന്‍ലാല്‍ ചിത്രമോ ? ; വൈറല്‍ ഫോട്ടോയ്ക്ക് പിന്നിലെ കാരണം തപ്പി ആരാധകര്‍
എന്റര്‍ടെയിന്‍മെന്റ് ഡെസ്‌ക്
Tuesday, 25th August 2020, 4:07 pm
കൊച്ചി: ഇന്ന് സോഷ്യല്‍ മീഡിയയില്‍ വൈറലായിരിക്കുന്നത് ഒരു ഫോട്ടോയാണ്. മലയാളത്തിന്റെ സ്വന്തം മോഹന്‍ലാലും യുവ താരങ്ങളായ പൃഥ്വിരാജും ദുല്‍ഖറും ഒന്നിച്ച് നില്‍ക്കുന്ന ഒരു ഫോട്ടോ ആയിരുന്നു അത്.
പൃഥ്വിരാജിന്റെ ഭാര്യ സുപ്രിയ മേനോന്‍ സമൂഹമാധ്യമങ്ങളില്‍ പങ്കുവച്ച ചിത്രമാണ് സോഷ്യല്‍ മീഡിയയില്‍ നിമിഷ നേരം കൊണ്ട് വൈറലായത്. ഇതിന് അടിക്കുറിപ്പ് വേണ്ട എന്നായിരുന്നു ചിത്രം പങ്കുവെച്ച് സുപ്രിയ ഇന്‍സ്റ്റഗ്രാമില്‍ കുറിച്ചത്.
ചിത്രം പുറത്തുവന്നതിന് പിന്നാലെ നിരവധി ഊഹാപോഹങ്ങളാണ് ആരാധകര്‍ നടത്തുന്നത്. ഇതോടെ പൃഥ്വിരാജ് സംവിധാനം ചെയ്യുന്ന എമ്പുരാനില്‍ ദുല്‍ഖര്‍ സല്‍മാന്‍ അഭിനയിക്കുന്നുണ്ടോ എന്നാണ് ആരാധകര്‍ ഉന്നയിച്ച ഒരു ചോദ്യം.
