ആറാട്ടിന്റെ ചിത്രീകരണം പൂര്‍ത്തിയാക്കി മോഹന്‍ലാല്‍; ബിഗ് ബോസ് ഞായറാഴ്ച മുതല്‍, ബറോസ് ഏപ്രിലില്‍ ?
എന്റര്‍ടെയിന്‍മെന്റ് ഡെസ്‌ക്
Friday, 12th February 2021, 11:45 am
പാലക്കാട്: മോഹന്‍ലാലിനെ നായകനാക്കി ബി.ഉണ്ണികൃഷ്ണന്‍ സംവിധാനം ചെയ്യുന്ന പുതിയ ചിത്രം ആറാട്ടിന്റെ ഷൂട്ടിംഗ് പൂര്‍ത്തിയാക്കി മോഹന്‍ലാല്‍. ബി. ഉണ്ണികൃഷ്ണന്‍ തന്നെയാണ് മോഹന്‍ലാലിന്റെ ഭാഗങ്ങള്‍ ഷൂട്ട് ചെയ്ത് പൂര്‍ത്തിയാക്കിയതായി പ്രേക്ഷകരെ അറിയിച്ചത്.
ഇനി അവശേഷിക്കുന്നത് ഒരു ദിവസത്തെ ജോലി മാത്രമാണ്. ഇത് മാര്‍ച്ച് രണ്ടാം ആഴ്ചയില്‍ പൂര്‍ത്തിയാക്കുമെന്നും ബി.ഉണ്ണികൃഷ്ണന്‍ പറഞ്ഞു. അദ്ദേഹത്തോടൊപ്പം പ്രവര്‍ത്തിച്ച എല്ലാവര്‍ക്കും അറിയാവുന്നതാണ് ഒരുമിച്ച് അഭിനയിച്ചത് മികച്ച അനുഭവമായിരുന്നു, വളരെ ദുഷ്‌കരമായ ചിത്രീകരണത്തിനിടയില്‍ അദ്ദേഹത്തിന്റെ ഇടപെടല്‍ കാര്യങ്ങള്‍ വളരെ എളുപ്പമാക്കി. പകര്‍ച്ചവ്യാധി മൂലം കാര്യങ്ങള്‍ ബുദ്ധിമുട്ടായിരുന്നു. എന്നാല്‍ മോഹന്‍ലാലിന്റെ സഹകരണം അതിശയകരമായ ഒരു ചിത്രീകരണം ആയി മാറ്റിയെന്നും നന്ദി പറയുന്നതായും ബി. ഉണ്ണികൃഷ്ണന്‍ പറഞ്ഞു.
