ഞങ്ങള്‍ ഈ രാജ്യത്ത് സന്തോഷിക്കുന്നുണ്ടെങ്കില്‍ അതിന് കാരണം ഭരണഘടനയാണ്, അല്ലാതെ ഭൂരിപക്ഷത്തിന്റെ മഹത്വമല്ല; മോഹന്‍ ഭാഗവതിന് ഒവൈസിയുടെ മറുപടി
ഡൂള്‍ന്യൂസ് ഡെസ്‌ക്
Sunday, 13th October 2019, 6:00 pm
ന്യൂദല്‍ഹി: ഹിന്ദുക്കള്‍ രാജ്യത്തുള്ളതുകൊണ്ടാണ് മുസ്‌ലിങ്ങള്‍ സന്തോഷത്തോടെ ജീവിക്കുന്നതെന്ന ആര്‍.എസ്.എസ് തലവന്‍ മോഹന്‍ ഭാഗവതിന്റെ പ്രസ്താവനയ്ക്ക് എ.ഐ.എം.ഐ.എം അധ്യക്ഷന്‍ അസദുദ്ദീന്‍ ഒവൈസിയുടെ മറുപടി. ഹിന്ദുവെന്ന പേരിട്ട് വിളിച്ചാലും തന്റെ ചരിത്രം മായ്ക്കാന്‍ മോഹന്‍ ഭാഗവതിനാകില്ലെന്ന് ഒവൈസി പറഞ്ഞു. ട്വിറ്ററിലായിരുന്നു അദ്ദേഹത്തിന്റെ പ്രതികരണം.
‘ഭാഗവതിന് ഇന്ത്യയിലെ എന്റെ ചരിത്രം മായ്ക്കാനാകില്ല. ഞങ്ങളുടെ സംസ്‌കാരം, വിശ്വാസം, വ്യക്തിഗതമായ തിരിച്ചറിവുകള്‍ ഇവയൊന്നും ഹിന്ദുമതത്തില്‍ ഉള്‍ക്കൊള്ളണമെന്ന് പറയാന്‍ അദ്ദേഹത്തിന് കഴിയില്ല.’
വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ
വിദേശ മുസ്‌ലിങ്ങളുമായി ഇന്ത്യന്‍ മുസ്‌ലിങ്ങളെ താരതമ്യം ചെയ്യുന്നതിനേയും ഒവൈസി വിമര്‍ശിച്ചു.
