പാര്‍ട്ടി കോണ്‍ഗ്രസിനിടെ മുഹമ്മദ് യൂസഫ് തരിഗാമിക്ക് ദേഹാസ്വാസ്ഥം
ഡൂള്‍ന്യൂസ് ഡെസ്‌ക്
Saturday, 9th April 2022, 3:07 pm
കണ്ണൂര്‍: കാശ്മീരില്‍ നിന്നുള്ള സി.പി.ഐ.എം പാര്‍ട്ടി കോണ്‍ഗ്രസ് പ്രതിനിധി മുഹമ്മദ് യൂസഫ് തരിഗാമിക്ക് ദേഹാസ്വാസ്ഥം. പാര്‍ട്ടി കോണ്‍ഗ്രസില്‍ പങ്കെടുക്കവേയാണ് ആരോഗ്യ പ്രശ്‌നങ്ങളുണ്ടായത്.
രാവിലെ സമ്മേളനത്തിന്റെ ഭാഗമായ അദ്ദേഹത്തിന് ഉച്ചയോട് കൂടിയാണ് ശാരീരിക തളര്‍ച്ചയുണ്ടായത്. ഇതേതുടര്‍ന്ന് സമ്മേളന നഗരിയായ നായനാര്‍ നഗരില്‍ നിന്നും അദ്ദേഹത്തെ ആശുപത്രിയില്‍ പ്രവേശിപ്പിച്ചു.
ഷുഗര്‍ ലെവല്‍ ഉയര്‍ന്നതാണ് ആരോഗ്യ പ്രശനത്തിനിടയാക്കിയതെന്നാണ് വിവരം. എന്നാല്‍ തരിഗാമിയുടെ ആരോഗ്യ നില തൃപ്തികരമാണെന്നാണ് ഡോക്ടര്‍മാര്‍ അറിയിക്കുന്നത്.
ജമ്മു കാശ്മീരിലെ സി.പി.ഐ.എമ്മിന്റെ പ്രമുഖ നേതാവാണ് മുഹമ്മദ് യൂസഫ് തരിഗാമി. 1996, 2002, 2008, 2014 വര്‍ഷങ്ങളില്‍ അദ്ദേഹം കുല്‍ഗാം നിയോജക മണ്ഡലത്തില്‍ നന്നും വിജയിച്ച് എം.എല്‍.എയായിട്ടുണ്ട്.
