ഐ.സി.സി ചാമ്പ്യന്‍സ് ട്രോഫിയ്ക്കുള്ള തന്റെ ഇന്ത്യന്‍ സ്‌ക്വാഡിനെ തെരഞ്ഞെടുത്ത് മുന്‍ ഇന്ത്യന്‍ സൂപ്പര്‍ താരം മുഹമ്മദ് കൈഫ്. രോഹിത് ശര്‍മയെ ക്യാപ്റ്റനാക്കി 16 അംഗ സ്‌ക്വാഡാണ് കൈഫ് തെരഞ്ഞെടുത്തിരിക്കുന്നത്.
ചാമ്പ്യന്‍സ് ട്രോഫിയ്ക്കുള്ള മറ്റ് സൂപ്പര്‍ താരങ്ങളുടെയും എക്‌സ്‌പേര്‍ട്ടുകളുടെയും പിക്കുളില്‍ നിന്നും കൈഫിന്റെ ടീം വ്യത്യസ്തമാണ്. ഹര്‍ഭജന്‍ സിങ്ങും എസ്. ബദ്രിനാഥും സ്റ്റാര്‍ സ്‌പോര്‍ട്‌സും അടക്കം റിഷബ് പന്തിനെ സ്‌ക്വാഡിലെ വിക്കറ്റ് കീപ്പറായി തെരഞ്ഞെടുത്തപ്പോള്‍ കൈഫിന്റെ സ്‌ക്വാഡില്‍ പന്തിന് ഇടം നേടാന്‍ സാധിച്ചിട്ടില്ല.
റിഷബ് പന്ത്
ഇതുവരെ ഏകദിനത്തില്‍ അരങ്ങേറ്റം കുറിക്കാത്ത യശസ്വി ജെയ്‌സ്വാളിനെ പലരും ടീമിലെടുത്തപ്പോള്‍ കൈഫ് അവിടെയും വ്യത്യസ്തനായി. ഇതുവരെ അന്താരാഷ്ട്ര ഏകദിനത്തില്‍ അരങ്ങേറ്റം കുറിക്കാത്ത ജെയ്‌സ്വാളിനെ താരം പരിഗണിച്ചിട്ടില്ല. അതേസമയം, നിതീഷ് കുമാര്‍ റെഡ്ഡിയെ ടീമില്‍ ഉള്‍പ്പെടുത്തിയിട്ടുമുണ്ട്.
യശസ്വി ജെയ്‌സ്വാള്‍
നിലവില്‍ പരിക്കിന്റെ പിടിയിലായ ബുംറയെയും കൈഫ് സ്‌ക്വാഡിന്റെ ഭാഗമാക്കിയിട്ടില്ല എന്നതും പ്രധാനമാണ്.
രോഹിത് ശര്‍മ, ശുഭ്മന്‍ ഗില്‍, വിരാട് കോഹ്‌ലി, ഹര്‍ദിക് പാണ്ഡ്യ, രവീന്ദ്ര ജഡേജ, നിതീഷ് കുമാര്‍ റെഡ്ഡി, കുല്‍ദീപ് യാദവ്, മുഹമ്മദ് സിറാജ്, മുഹമ്മദ് ഷമി. വാഷിങ്ടണ്‍ സുന്ദര്‍, അര്‍ഷ്ദീപ് സിങ്, സഞ്ജു സാംസണ്‍, അക്‌സര്‍ പട്ടേല്‍.
ഫെബ്രുവരി 20നാണ് ടൂര്‍ണമെന്റില്‍ ഇന്ത്യയുടെ ആദ്യ മത്സരം. ബംഗ്ലാദേശാണ് എതിരാളികള്‍.
ചാമ്പ്യന്‍സ് ട്രോഫിയില്‍ ഗ്രൂപ്പ് എ-യിലാണ് ഇന്ത്യ സ്ഥാനം പിടിച്ചിരിക്കുന്നത്. ബംഗ്ലാദേശ്, പാകിസ്ഥാന്, ന്യൂസിലാന്‍ഡ് ടീമുകളാണ് ഗ്രൂപ്പ് എ-യില്‍ ഇന്ത്യയ്ക്കൊപ്പമുള്ളത്.
ഒരു പതിറ്റാണ്ടോളം നീണ്ട കിരീട വരള്‍ച്ചയ്ക്ക് ശേഷം സ്വന്തമാക്കിയ ടി-20 ലോകകപ്പിന് കൂട്ടായി ഐ.സി.സി ചാമ്പ്യന്‍സ് ട്രോഫിയും ഷെല്‍ഫിലെത്തിക്കാനാണ് ഇന്ത്യ ഒരുങ്ങുന്നത്.
ഒപ്പം ബോര്‍ഡര്‍ – ഗവാസ്‌കര്‍ ട്രോഫിയിലടക്കം നേരിട്ട തിരിച്ചടികള്‍ക്കും അപമാനത്തിനും ചാമ്പ്യന്‍സ് ട്രോഫി വിജയത്തിലൂടെ മറുപടി നല്‍കാനും രോഹിത്തിനും സംഘത്തിനും സാധിക്കും.
ടൂര്‍ണമെന്റിന്റെ ആതിഥേയര്‍ പാകിസ്ഥാനാണെങ്കിലും പാകിസ്ഥാന് പുറത്ത് ദുബായ് അന്താരാഷ്ട്ര ക്രിക്കറ്റ് സ്റ്റേഡിയത്തിലാണ് ഇന്ത്യയുടെ എല്ലാ മത്സരങ്ങളും ഷെഡ്യൂള്‍ ചെയ്തിരിക്കുന്നത്.
ഫെബ്രുവരി 20 vs ബംഗ്ലാദേശ് – ദുബായ് അന്താരാഷ്ട്ര സ്റ്റേഡിയം.
ഫെബ്രുവരി 23 vs പാകിസ്ഥാന് – ദുബായ് അന്താരാഷ്ട്ര സ്റ്റേഡിയം.
മാര്‍ച്ച് 2 vs ന്യൂസിലാന്‍ഡ് – ദുബായ് അന്താരാഷ്ട്ര സ്റ്റേഡിയം.
Content Highlight: Mohammad Kaif’s Indian squad for ICC Champions Trophy
