ഇന്ത്യയുടെ അടുത്ത ക്യാപ്റ്റന്‍ പന്തോ പാണ്ഡ്യയോ രാഹുലോ അല്ല; അത് ഈ ഓള്‍റൗണ്ടറാണ്
സ്പോര്‍ട്സ് ഡെസ്‌ക്
Wednesday, 29th June 2022, 4:50 pm
ഇന്ത്യന്‍ ക്രിക്കറ്റ് ടീമില്‍ ഇപ്പോള്‍ ഒരുപാട് ക്യാപ്റ്റന്‍മാരുള്ള സീസണാണ്. സ്ഥിരം നായകന്‍ രോഹിത്താണെങ്കിലും ഈ കൊല്ലം ഇന്ത്യയെ നയിച്ചത് അഞ്ച് ക്യാപ്റ്റന്‍മാരാണ്. 35 വയസുകാരനായ രോഹിത്തിന് ശേഷം ഇന്ത്യയുടെ നായകസ്ഥാനത്തേക്ക് ഒരുപാട് ഓപ്ഷനുകള്‍ ഇന്ത്യക്ക് മുമ്പിലുണ്ട്.
ഇന്ത്യന്‍ നിരയില്‍ ഭാവി ക്യാപ്റ്റന്‍മാരായി നോക്കിക്കാണുന്നത് കെ.എല്‍. രാഹുല്‍, റിഷബ് പന്ത്, ശ്രേയസ് അയ്യര്‍, ഹര്‍ദിക് പാണ്ഡ്യ എന്നിവരെയാണ്. എന്നാല്‍ ഇംഗ്ലണ്ട് ഓള്‍റൗണ്ടര്‍ മോയീന്‍ അലിയുടെ അഭിപ്രായത്തില്‍ രവീന്ദ്ര ജഡേജയായിരിക്കും ഇന്ത്യയുടെ അടുത്ത ക്യാപ്റ്റന്‍.
എല്ലാ ഫോര്‍മാറ്റിലും ഇന്ത്യയുടെ പ്രധാന താരമായ ജഡ്ഡുവിന് നല്ല ബ്രയിനാണെന്നും ഭാവിയില്‍ അദ്ദേഹം മികച്ച നായകനാകാന്‍ ചാന്‍സുണ്ടെന്നും അദ്ദേഹം പറഞ്ഞു.
