നരേന്ദ്ര മോദി അസത്യങ്ങള്‍ ഉല്‍പ്പാദിപ്പിക്കുന്ന ഫാക്ടറിയുടെ ചെയര്‍മാന്‍; രൂക്ഷ വിമര്‍ശനവുമായി അസദുദ്ദീന്‍ ഉവൈസി
ഡൂള്‍ന്യൂസ് ഡെസ്‌ക്
Tuesday, 9th April 2019, 12:27 pm
ജമ്മുകശ്മീരിനെ ഇന്ത്യയില്‍ ലയിപ്പിക്കുമെന്ന ബി.ജെ.പി പ്രകടന പത്രികയിലെ വാഗ്ദാനം കളവാണെന്നും ഉവൈസി കുറ്റപ്പെടുത്തി.
ഹൈദരാബാദ്: പ്രധാനമന്ത്രി നരേന്ദ്രമോദി അസത്യങ്ങള്‍ ഉല്‍പ്പാദിപ്പിക്കുന്ന ഫാക്ടറിയുടെ ചെയര്‍മാനാണെന്ന് ആള്‍ ഇന്ത്യ മജ്‌ലിസെ ഇത്തിഹാദുല്‍ മുസ്ലീമിന്‍ അധ്യക്ഷന്‍ അസദുദ്ദീന്‍ ഉവൈസി.
ബി.ജെ.പി ക്ക് തൊഴിലുകള്‍ നല്‍കാന്‍ കഴിഞ്ഞില്ല. പകരം അവര്‍ നുണ പ്രചരിപ്പിക്കുകയാണ്. ആര്‍ട്ടിക്കിള്‍ 370 ഉം 35 എയും അവര്‍ ഇല്ലാതാക്കുമെന്ന് പറയുന്നു. എന്നാല്‍ ഇന്ത്യന്‍ ഭരണഘടന പ്രകാരം അവര്‍ക്ക് അതിന് കഴിയില്ല.
ജമ്മുകശ്മീരിനെ ഇന്ത്യയില്‍ ലയിപ്പിക്കുമെന്ന ബി.ജെ.പി പ്രകടന പത്രികയിലെ വാഗ്ദാനം കളവാണെന്നും ഉവൈസി കുറ്റപ്പെടുത്തി.
പശുവിന്റെ പേരില്‍ ആളുകള്‍ കൊലചെയ്യപ്പെട്ടപ്പോഴും ലൗ ജിഹാദിന്റെ പേരില്‍ അക്രമങ്ങള്‍ നടന്നപ്പോഴും പ്രധാനമന്ത്രി പ്രതികരിച്ചില്ലെന്നും ഭരണഘടനാപരമായ ഉത്തരവാദിത്തങ്ങള്‍ മോദി നിര്‍വ്വഹിച്ചില്ലെന്നും ഉവൈസി പറഞ്ഞു.
