നിങ്ങളും എന്നെപ്പോലെ ചായവില്‍പ്പനക്കാരനാണല്ലേ; വീണ്ടും 'ചായക്കട കഥ' പയറ്റി മോദി
ഡൂള്‍ന്യൂസ് ഡെസ്‌ക്
Saturday, 23rd October 2021, 4:40 pm
ന്യൂദല്‍ഹി: ഗവണ്‍മെന്റ് പദ്ധതിയുടെ ഗുണഭോക്താക്കളുമായും പങ്കാളികളുമായും നടത്തിയ വെര്‍ച്വല്‍ യോഗത്തില്‍ തന്റെ ‘ചായക്കട കഥ’ വീണ്ടും പറഞ്ഞ് പ്രധാനമന്ത്രി നരേന്ദ്ര മോദി.
‘ആത്മനിര്‍ഭര്‍ ഭാരത് സ്വയംപൂര്‍ണ ഗോവ പരിപാടി’യുടെ ഭാഗമായാണ് തെരഞ്ഞെടുക്കപ്പെട്ട ഗുണഭോക്താക്കളുമായും പങ്കാളികളുമായും മോദി വീഡിയോ കോണ്‍ഫറന്‍സിങ് വഴി സംവദിച്ചത്.
നിങ്ങളും എന്നെപ്പോലെ ചായവില്‍പ്പനക്കാരനാണല്ലേ എന്നാണ് വാസ്‌കോ ടൗണില്‍ നിന്നുള്ള ചെറുകിട വ്യവസായിയും പാരാ ടേബിള്‍ ടെന്നീസ് കളിക്കാരനുമായ റൂര്‍ക്കി അഹമ്മദ് രാജാസാഹെബിനോട് മോദി പറഞ്ഞത്.
തന്റെ അച്ഛന്‍ ചായക്കട നടത്തിയിരുന്നെന്നും കുട്ടിക്കാലത്ത് ട്രെയിനിലും റെയില്‍വേ പ്ലാറ്റ് ഫോമിലും താന്‍ ചായ വിറ്റിരുന്നിരുന്നെന്നും മോദി അവകാശപ്പെട്ടിരുന്നു.
