91 തവണ കോണ്‍ഗ്രസ് അധിക്ഷേപിച്ചുവെന്ന് മോദി; തന്റെ കുടുംബത്തെ അധിക്ഷേപിച്ച കണക്കെഴുതിയാല്‍ പുസ്തകങ്ങളിറക്കാമെന്ന് പ്രിയങ്ക
ഡൂള്‍ന്യൂസ് ഡെസ്‌ക്
Sunday, 30th April 2023, 7:14 pm
ന്യൂദല്‍ഹി: ബി.ജെ.പി തന്റെ കുടുംബത്തെ അധിക്ഷേപിച്ച കണക്കെടുക്കുകയാണെങ്കില്‍ നിരവധി പുസ്തകങ്ങള്‍ എഴുതാമെന്ന് കോണ്‍ഗ്രസ് നേതാവ് പ്രിയങ്ക ഗാന്ധി. 91 തവണ കോണ്‍ഗ്രസിനാല്‍ താന്‍ അധിക്ഷേപിക്കപ്പെട്ടുവെന്ന പ്രധാനമന്ത്രിയുടെ പരാമര്‍ശത്തില്‍ മറുപടി നല്‍കുകയായിരുന്നു പ്രിയങ്ക.
‘അധിക്ഷേപിക്കപ്പെട്ടുവെന്ന് പറഞ്ഞ് ഒരു പ്രധാനമന്ത്രി പൊതു സമൂഹത്തിന് മുന്നില്‍ കരയുന്നത് ഞാന്‍ ആദ്യമായാണ് കാണുന്നത്. മറ്റുള്ളവരുടെ ദുഖങ്ങള്‍ കാണാതെ അദ്ദേഹം സ്വന്തം കാര്യത്തെ കുറിച്ച് സംസാരിക്കുന്നു. അദ്ദേഹത്തിന്റെ ഓഫീസിലെ ഒരാള്‍ ഒരു ലിസ്റ്റ് ഉണ്ടാക്കിയിട്ടുണ്ട്.
